قاراقالپاقستاننىڭ قىلمىستىق ىستەر بويىنشا سوت القاسىندا 1-2 شىلدە كۇندەرى نۇكىس قالاسىندا وتكەن نارازىلىق اكتسيالارى بويىنشا سوت تىڭداۋلارى اياقتالىپ، تاراپتاردىڭ ءجارىسسوزى باستالادى. بۇل تۋرالى ورتالىق ازيا جاڭالىقتار قىزمەتى جازدى.
"گازەتا.ۋز" باسىلىمى حابارلاعانداي، 19-23 جەلتوقسانداعى وتىرىستا 115 كۋا، ونىڭ ىشىندە نۇكىس وقيعاسى بويىنشا ايىپتالىپ جاتقان 39 ادام تىڭدالعان. قوسىمشا 180 ادامنىڭ كورسەتپەسى قارالعان. سوت وتىرىسى 4 قاڭتاردا جالعاسىپ، سول كۇنى تاعى 17 كۋا، بەس جابىرلەنۋشى جانە ءبىر ارىز بەرۋشى تىڭدالعان.
6 قاڭتاردا سوت القاسى تارتىپسىزدىك كەزىندە تۇسىرىلگەن ۆيدەوماتەريالداردى قاراۋدى باستاعان.
7 قاڭتاردا قاراقالپاقستاننىڭ جوعارعى كەڭەسىنىڭ توراعاسى، شىلدە وقيعاسى كەزىندە ىشكى ىستەر ءمينيسترى بولىپ تۇرعان امانباي ورىنباەۆ كۋالىك ەتتى. ول وتىرىسقا جابىرلەنۋشى رەتىندە قاتىسىپ، زاڭ اياسىندا ايىپتالۋشىلاردىڭ جازاسىن جەڭىلدەتۋدى سۇراعان.
9 قاڭتاردا سوتتا ۆيدەوماتەريالدارمەن تانىسۋ جالعاستى.
10 قاڭتاردا تاراپتار ساراپشىلاردىڭ قورىتىندىسىن جانە قىلمىستىق ءىس بويىنشا تەرگەۋ ءىسىنىڭ قاۋلىلارىن قارادى.
11 قاڭتاردا بەلگىلەنگەن سوت وتىرىسىندا تاراپتاردىڭ ءجارىسسوزى جالعاسادى.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى