پرەزيدەنت اكىمشىلىگىنىڭ قۇقىق قورعاۋ جۇيەسى ءبولىمىنىڭ مەڭگەرۋشىسى الەكسەي كالايچيدي: «نۇرسۇلتان نازارباەۆتىڭ تاپسىرماسى بويىنشا قۇقىق قورعاۋ جۇيەسىن جاڭارتۋ جۇمىستارى باستالدى» – دەپ مالىمدەدى.

تامىز ايىنىڭ 10-ى كۇنى الماتىدا وتكەن قالالىق كەڭەس وتىرىسىندا الەكسەي كالايچيدي: «مەملەكەت باسشىسىنىڭ 30 مامىر كۇنى وتكەن قاۋىپسىزدىك كەڭەسىنىڭ وتىرىسىندا بەرگەن تاپسىرماسى بويىنشا، ءبىز قۇقىق قورعاۋ ورگاندارى مەن سوت جۇيەسىن مودەرنيزاتسيالاۋ جۇمىستارىن باستادىق. كۇشتىك قۇرىلىمداردى رەفورمالاۋ قيىن پروتسەسس. كەشە عانا ءتيىمدى جۇمىس ىستەپ تۇرعان جۇيە، بۇگىن ەشقانداي ناتيجە بەرمەۋى مۇمكىن. مەن الماتى قالاسىنىڭ قوعامدىق كەڭەسىنە ىشكى ىستەر مينيسترلىگىن رەفورمالاۋعا بايلانىستى باستاما كوتەرگەندەرى ءۇشىن العىس ايتقىم كەلەدى» - دەپ مالىمدەگەن.

ەستەرىڭىزگە سالايىق، مانەرلەپ سىرعاناۋشى دەنيس تەننىڭ ولىمىنەن كەيىن، الماتى قالاسىنىڭ حالقى جاپپاي ءىىم جۇمىسىنا كوڭىلدەرى تولمايتىندىقتارىن ايتىپ، ۆەدومستۆا باسشىسى قالمۇحانبەت قاسىموۆتىڭ وتستاۆكاعا كەتۋىن تالاپ ەتكەن. وسىدان كەيىن تامىز ايىنىڭ 3-ءى كۇنى الماتى قالاسىنادا قوعامدىق كەڭەس وتكەن. وتىرىستا كەڭەس مۇشەلەرى پرەزيدەنت اكىمشىلىگى مەن ىشكى ىستەر مينيسترلىگىنە قۇقىق قورعاۋ جۇيەسىن رەفورمالاۋ جونىندە ۇسىنىس جاساعان.

“The Qazaq Times”