شىمكەنتتە مەكتەپكە ءدىني كيىممەن بارعان 22 وقۋشىنىڭ اتا-اناسىنا ايىپپۇل سالىندى. بۇل تۋرالى شىمكەنت ءبىلىم دەپارتامەنتىنىڭ باس مامانى جانار التاەۆا حابارلادى. ونىڭ ايتۋىنشا، بۇل مەكتەپكە 148 وقۋشى ءدىني كيىمەن بارعان.

ءبىلىم دەپارتامەنتىنىڭ مالىمەتى بويىنشا، 22 بالانىڭ اتا-اناسىنا ايىپپۇل سالىنعان. دەگەنمەن ولار مەكتەپ اكىمشىلىگىنىڭ تالاپتارىن ورىنداۋدان باس تارتىپ وتىر.

وتكەن جىلى قاڭتاردا ورتا مەكتەپتەردەگى فورما تۋرالى جاڭا بۇيرىق شىعارىلعان. وعان كەلىسپەگەن ونداعان اتا-انا پروكۋراتۋراعا شاعىم تۇسىرگەن. ولاردىڭ ارىزىن قاراعان پروكۋراتۋر ءبىلىم مينيسترلىگىنىڭ ۇستانىمىن قولداعان.

وسى وقۋ جىلىنىڭ اياعىندا مينيستر ەرلان ساعاديەۆ ساباققا جىبەرىلمەگەن وقۋشىلار ەكىنشى جىل ورنىندا قالۋى مۇمكىن ەكەندىگىن مالىمدەگەن ەدى.

“The Qazaq Times”