فوتو: BNews.kz

پرەزيدەنت نۇرسۇلتان نازارباەۆ دەنيس تەننىڭ ولىمىنە قاتىستى باس پروكۋرور مەن ىشكى ىستەر مينيسترىنە تاپسىرما بەردى.

اقوردا ءباسپاسوز قىزمەتىنىڭ مالىمەتىنشە، مەملەكەت باسشىسى باس پروكۋرور قايرات قوجامجاروۆ پەن ءىىم قالمۇحامبەت قاسىموۆقا دەنيس تەننىڭ ولىمىنە قاتىستى ءىستى ەرەكشە باقىلاۋعا الۋدى جانە تەرگەۋ جۇمىستارىن وبەكتيۆتى جۇرگىزۋدى تاپسىرعان.

ەستەرىڭىزگە سالايىق، 19 شىلدە كۇنى الماتى قالاسىنىڭ قۇرمانعازى جانە بايسەيىتوۆ كوشەلەرىنىڭ قيىلىسىندا دەنيس تەندى بەلگىسىز ازاماتتار پىشاقتاپ كەتكەن بولاتىن. سالدارىنان وليمپيادا جۇلدەگەرى №12 قالالىق اۋرۋحانادا كوز جۇمعان.

"The Qazaq Times"