بريتانيا: ءپۋتيننىڭ ارەكەتى ناعىز اقىماقتىق!  

بۇگىن بريتاندىق گازەتتەردە رەسەيدەگى ساياسي جاعدايلار تالقىلاندى. باسىلىمداردىڭ بىرىندە «پۋتين ءوز وتىرىگىنەن سوڭ الەمگە قالاي قارايدى؟» – دەگەن ماقالا جارىق كورگەن.

ماقالادا سولسبەريدەگى جاعداي بۇگە-شىگەسىنە دەيىن باياندالادى. ەكس-تىڭشى سەرگەي سكريپال مەن يۋليا سكريپالدەردى ۋلادى دەگەن كۇدىكتىلەر تۋرالى جاڭا دەرەكتەر كەلتىرىلگەن. Bellingcat پەن The Insider باسىلىمدارى سكريپالدەردى «ۋلاعان» كۇدىكتىنىڭ ءبىرى لاقاپ اتپەن جۇرگەن اسكەري قىزمەتكەر اناتولي چەپيگا ەكەنىن ايتتى.

ال Daily Mail تىلشىلەرى كوپتەگەن جىلدار بويى رەسەيدە قىزمەت ەتكەن جۋرناليست، جازۋشى وۋەن مەتيۋزگە تۇسىنىكتەمە الۋ ءۇشىن حابارلاسقان. ءوز سۇحباتىندا ول: «كۇدىكتىلەردىڭ ءبىرى جوعارى شەندى اناتولي چەپيگا (پولكوۆنيك) وسى ۋاقىتقا دەيىن لاقاپ اتپەن جۇرگەن. سونداي-اق رەسمي تۇلعالاردىڭ كۇدىك تۋدىرماۋ ارەكەتتەرىن قۇپتاپ، بريتانيادا وپەراتسيا جۇرگىزۋ تۋرالى شەشىمگە ەش قارسىلىق بلدىرمەگەن. ءبىر وكىنىشتىسى، سكريپالدەردىڭ ۋلانۋىنا ۆ.ءپۋتيننىڭ تىكەلەي قاتىسى بار»، – دەيدى. سونداي-اق باسىلىمدا: «كۇدىكتىلەردىڭ اتى-ءجونى ءمالىم بولعان كەزدە، پۋتين ساندىق الەمدەگى كەزەكتى «انالوگتىق وتىرىگىن» ويلاپ تاپتى. ولار بىرلەسە ساتقىندارمەن كۇرەسۋدىڭ ورنىنا، جالعان سۇحبات جاساپ، كۇللى الەم الىندا اقتالىپ شىققىسى كەلدى. بۇل – تازا اقىماقتىق!» – دەيدى.

گازەتتەردە «دەتەكتيۆتەن فانتاستيكاعا اينالعان سكريپال ىسىنەن سوڭ باتىس ەلدەرى ءپۋتيننىڭ ارەكەتىن كەشىرە مە جانە تەرەزا مەي رەسەيگە قاتىستى جاڭا سانكتسيالار ەنگىزە مە؟» –  سىندى ساۋالدار قويىلعان. ەگەر بىرىككەن كورولدىكتىڭ بولجامى ءدال كەلسە، رەسەيدىڭ باسىنا قارا بۇلت ۇيىرىلمەك. سەبەبى تەرەزا مەيدىڭ كەزەكتى شەشىمى اقش سانكتسيالدارىنىڭ ارتۋىنا دا سەبەپ بولادى.

"The Qazaq Times"