يران ۆاكتسيناتسياعا دايىندىق باستادى

يراندا الداعى كۇندەرى كوروناۆيرۋسقا قارسى ەكپە ەگۋ باستالادى. بۇل تۋرالى يرنا اگەنتتىگى حابارلادى.

كوروناۆيرۋستىڭ الدىن الۋ ماقساتىندا وتكەن ۇلتتىق شتاب وترىسىندا ەل پرەزيدەنتى حاسان رۋحاني: «بارلىق ۇيىمدار كوروناۆيرۋسقا قارسى ۆاكتسيناتسياعا دايىندالدى جانە ۆاكتسينانىڭ العاشقى توپتاماسى ەلگە جەتكىزىلدى»، – دەدى.

10 اقپاننان باستالاتىن ۆاكتسيناتسيالاۋ كەزىندە ءبىرىنشى بولىپ دارىگەرلەر، مەديتسينا قىزمەتكەرلەرى، قارتتار مەن تۇرعىنداردىڭ وسال توپتارىنا ەكپە جاسالادى.

الەم بويىنشا سىناقتان ءساتتى وتكەن Pfizer, BioNTech فارماتسەۆتيكالىق كومپانياسى جاساعان ەكپە جانە امەريكالىق مoderna ەكپەسىن سالۋدى باستاعان ەلدەر قاتارىندا ۇلىبريتانيا، اقش جانە كانادا بار.

امەريكالىق Pfizer جانە ونىڭ گەرمانيالىق سەرىكتەسى BioNTech كومپانياسى بىرلەسىپ ازىرلەگەن ۆاكتسينانىڭ تيىمدىلىگى كلينيكالىق سىناقتا 90%-دان استام وڭ ناتيجە كورسەتكەن. ال وسكفورد ۋنيۆەرسيتەتى مەن AstraZeneca كومپانياسى وندىرگەن كوروناۆيرۋسقا قارسى ۆاكتسينا 70% تيىمدىلىك كورسەتتى.

قازاقستاندا جاپپاي ۆاكتسيناتسيالاۋ 1 اقپاندا باستالعان. ەكپە ءبىرىنشى كەزەكتە ينفەكتسيالىق اۋرۋحانا، جەدەل جاردەم، رەانيماتسيا ءبولىمى، اۋرۋحانانىڭ قابىلداۋ بولمەسىندە ىستەيتىن قىزمەتكەرلەرگە سالىنباق. ال ساۋىردەن باستاپ جالپى ءبىلىم بەرەتىن مەكتەپ، جوعارى وقۋ ورىندارى، مەديتسينالىق قىزمەت كورسەتەتىن مەكەمە ماماندارىنا ۆاكتسينا ەگىلەدى.

"The Qazaq Times"