فوتو: uralskweek.kz

پارلامەنت سەناتىنىڭ جالپى وتىرىسىندا «سايلاۋ تۋرالى» كونستيتۋتسيالىق زاڭ جوباسى قارالدى. وسىعان دەيىن ماجىلىستە بەكىتىلگەن جاڭا قۇجاتقا سەنات دەپۋتاتتارى قارسىلىق تانىتتى.

ولار اۋىل اكىمدەرىن توتە سايلاۋدى ەنگىزۋگە قاتىستى نورماننى الىپ تاستاۋدى تالاپ ەتتى. وزگەشە ايتقاندا، ەلدى مەكەن باسشىلارىن حالىق جاسىرىن تۇردە سايلاۋ ۋچاسكەلەرىنە بارىپ، داۋىس بەرۋى ارقىلى سايلاعاندارىن قالامايدى. سوزدەرىنشە، اتالعان زاڭعا مۇنداي وزگەرىس ەنگىزۋدىڭ قاجەتى جوق. سوندىقتان اۋىل اكىمدەرىن بۇرىنعى ءتارتىپ بويىنشا تاعايىنداي بەرگەن دۇرىس دەيدى. ياعني اكىمدەردى اۋداندىق ءماسليحات دەپۋتتارى تاڭداعان ءجون بولادى دەگەن پىكىردە.

وسىنى جەلەۋ ەتكەن سەنات دەپۋتاتتارى اتالعان زاڭ جوباسىن ءماجىلىستىڭ قاراۋىنا قايتا جىبەردى. ەگەر تومەنگى پالاتا وكىلدەرى سەناتورلاردىڭ بۇل پىكىرىمەن كەلىسپەسە، وندا قوسىمشا كوميسسيا قۇرىلىپ، داۋ تۋدىرعان ماسەلە ورتاق جولمەن شەشىلەتىن بولادى.

“The Qazaq Times”