فوتو: گەورگە يۆانوۆ

ماكەدونيا پرەزيدەنتى گەورگە يۆانوۆ ەلىنىڭ اتاۋىن «سولتۇستىك ماكەدونيا» دەپ وزگەرتۋ ءۇشىن ەشقانداي كەلىسىمشارتقا قول قويمايتىنىن مالىمدەدى. بۇل تۋرالى «meydan.com.tr» اگەنتتىگى حابارلايدى.

يۆانوۆ ءوزىنىڭ ۇستانىمىن كەشە، 13 ماۋسىمدا حابارلاپ، بۇل شەشىم ەلدىڭ كونستيتۋتسياسى مەن زاڭىنا قايشى بولعاندىقتان، ەشقانداي كەلىسىمشارتقا قول قويمايتىنىن مالىمدەدى. سونداي-اق، ول گرەكيا تاراپىنان حابارلانعان وسىنداي مامىلەنى ماكەدونيانىڭ پرەمەر-ءمينيسترى زوران زاەۆ پەن سىرتقى ىستەر ءمينيسترى نيكول ديميتروۆتىڭ «ءوز بەتتەرىنشە، ويلاسپاي جاساعان شەشىمدەرى عانا» دەپ حابارلاپ: «ولار وسى ىستەرى ءۇشىن «جاۋاپكەرشىلىككە تارتىلادى» ، - دەدى.

ەستەرىڭىزدە بولسا، گرەكيانىڭ پرەمەر-ءمينيسترى الەكسيس تسيپراس ەكى ەل اراسىندا كوپتەن بەرى بىتپەس داۋعا اينالعان ەل اتاۋى ماسەلەسىنە قاتىستى ەكىجاقتى كەلىسىمگە قول جەتكىزىلگەنىن مالىمدەگەن بولاتىن. ءسويتىپ، ماكەدونيانىڭ ەندىگى جەردە «سولتۇستىك ماكەدونيا» دەپ اتالاتىنىن رەسمي تۇردە حابارلاپ جىبەرگەن ەدى.

“The Qazaq Times”