Foto: George Ivanov

Makedoniya prezidenti George Ivanov eliniñ atauın «Soltüstik Makedoniya» dep özgertu üşin eşqanday kelisimşartqa qol qoymaytının mälimdedi. Bwl turalı «meydan.com.tr» agenttigi habarlaydı.

Ivanov öziniñ wstanımın keşe, 13 mausımda habarlap, bwl şeşim eldiñ Konstituciyası men zañına qayşı bolğandıqtan, eşqanday kelisimşartqa qol qoymaytının mälimdedi. Sonday-aq, ol Grekiya tarapınan habarlanğan osınday mämileni Makedoniyanıñ prem'er-ministri Zoran Zaev pen Sırtqı ister ministri Nikol Dimitrovtıñ «öz betterinşe, oylaspay jasağan şeşimderi ğana» dep habarlap: «Olar osı isteri üşin «jauapkerşilikke tartıladı» , - dedi.

Esteriñizde bolsa, Grekiyanıñ prem'er-ministri Aleksis Cipras eki el arasında köpten beri bitpes dauğa aynalğan el atauı mäselesine qatıstı ekijaqtı kelisimge qol jetkizilgenin mälimdegen bolatın. Söytip, Makedoniyanıñ endigi jerde «Soltüstik Makedoniya» dep atalatının resmi türde habarlap jibergen edi.

“The Qazaq Times”