فوتو: 24tv.ua

ماكەدونيا استاناسى سكوپە قالاسىندا ۇكىمەت ساياساتىنا قارسى ەرەۋىل ءوتتى.

ماكەدونيا رەسپۋبليكاسى مەن گرەتسيا اراسىندا رەسمي اتاۋعا قاتىستى داۋ وتىز جىلدان بەرى شەشىمىن تاپقان جوق. سوعان بايلانىستى جاقىندا قوس مەملەكەت اراسىندا كەلىسىمگە قول قويىلىپ، ەلدىڭ اتاۋىن «سولتۇستىك ماكەدونيا» دەپ اۋىستىرۋ كەرەك دەگەن شەشىم قابىلدانعان. وسى كەلىسىم اياسىندا جەرگىلىكتى بيلىك ناتو مەن ەۋروپالىق وداق قۇرامىنا كىرۋ ءۇشىن ماكەدونيا رەسپۋبليكاسىنا جاڭا رەسمي اتاۋ بەرمەك. الايدا، ماكەدونيا حالقى ەلدىڭ كونستيتۋتسيالىق اتاۋىن الەمنىڭ 142 مەملەكەتى مويىنداعانىن ايتىپ، جاڭا زاڭعا تۇبەگەيلى قارسىلىق ءبىلدىردى. پارلامەنت عيماراتىنىڭ الدىنا جينالعان جۇرت كونستيتۋتسياعا وزگەرىستەردىڭ ەنگىزىلۋىن قۇپتامايدى. نارازى توپ وسى رەفورمانى جۇزەگە اسىرۋدى قولعا العان پرەمەر-ءمينيستردىڭ وتستاۆكاعا كەتۋىن تالاپ ەتتى. ال گرەتسيا تاراپى ءالى كۇنگە دەيىن ەل اتاۋىن وزگەرتۋدى تالاپ ەتىپ وتىر.

"The Qazaq Times"