گرەكيادا ماكەدونيا اتاۋى ءۇشىن حالىق تاعى دا ميتينگتەر ۇيىمداستىرۋدا

گرەكيا مەن ماكەدونيا اراسىنداعى «ەل اتاۋى ماسەلەسىنىڭ» بىرجاقتى ەتىلۋىنە از كۇندەر قالعاندا گرەكيادا «ماكەدونيا گرەكياعا تيەسىلى» دەگەن ۇراندارمەن حالىق ميتينگتەرگە شىعۋدا، دەپ مالىمدەيدى fr.euronews.com اگەنتتىگى.

ماكەدونيا مەن گرەكيا اراسىنداعى ماكەدونيا رەسپۋبليكاسىنىڭ اتاۋىنىڭ وزەرتىلۋىنە قاتىستى داۋ رەتتەلىپ، تۇبەگەيلى تۇردە بىرجاقتى ەتىلۋگە از ۋاقىت قالعاندا گرەكيادا حالىق ميتينگكە شىقتى. گرەكيانىڭ 20 بىردەي قالاسىندا: «ماكەدونيا گرەكياعا تيەسىلى» دەگەن ماندەگى ۇراندارمەن ميتينگتەر ۇيىمداستىرىلۋدا. جەرگىلىكتى حالىقتىڭ ايتۋىنشا، ماكەدونيا بۇرىننان كەلە جاتقان گرەكتەردىڭ جەرى، سول سەبەپتى سولتۇستىكتەگى كورشىلەر مەملەكەتتەرىنىڭ اتاۋىن ولارمەن بىردەي اتاماۋ كەرەك.

ميتينگتەرگە قاتىسقان مىڭداعان گرەكيالىقتاردىڭ قاتارىنا انەل پارتياسىنىڭ كەيبىر وكىلدەرى مەن ءدىن وكىلدەرى دە قوسىلعان. كەيبىر بەلسەندىلەر ۇسىنعان اتاۋلاردىڭ اراسىندا: «جاڭا ماكەدونيا»، «جوعارى ماكەدونيا» جانە «سولتۇستىك ماكەدونيا» اتاۋلارى بار.

"ەل اتاۋى ماسەلەسى" تۋرالى  نە بىلەمىز؟

الەمنىڭ كوپتەگەن ەلدەرى ماكەدونيانى ونىڭ زاڭدى اتاۋى "ماكەدونيا رەسپۋبليكاسى" دەپ تانيدى. ال، گرەكيا ءوز تەرريتورياسىندا "ماكەدونيا" دەپ اتالاتىن ايماق بولعاندىقتان ونىڭ اتاۋىن وزگەرتۋدى بۇرىننان تالاپ ەتىپ كەلگەن ەدى. ماكەدونيا، تاۋەلسىزدىگىن جاريالاعان 1991 جىلدان بەرى وڭتۇستىكتەگى كورشىسى گرەكيامەن اراداعى  "ەل اتاۋى ماسەلەسىنە" بايلانىستى ەۋروپا وداعى مەن ناتو-عا مۇشە بولا الماعان. ماكەدونيا بۇۇ مۇشەلىگىنە قابىلدانعان 1993 جىلىنىڭ ءساۋىر ايىندا بۇۇ باس اسسامبلەياسىندا حالىقارالىق تۇرعىدان تانىلعانمەن، وڭتۇستىك كورشىسى گرەكيانىڭ نارازىلىعىنا وراي، ۋاقىتشا "بۇرىنعى يۋگوسلاۆيا رەسپۋبليكاسى ماكەدونيا" دەگەن اتپەن مۇشەلىككە قابىلدانعان بولاتىن.

“The Qazaq Times”