Foto: fr.euronews.com

Grekiya men Makedoniya arasındağı «el atauı mäselesiniñ» birjaqtı etiluine az künder qalğanda Grekiyada «Makedoniya Grekiyağa tiesili» degen wrandarmen halıq mitingterge şığuda, dep mälimdeydi fr.euronews.com agenttigi.

Makedoniya men Grekiya arasındağı Makedoniya Respublikasınıñ atauınıñ özertiluine qatıstı dau rettelip, tübegeyli türde birjaqtı etiluge az uaqıt qalğanda Grekiyada halıq mitingke şıqtı. Grekiyanıñ 20 birdey qalasında: «Makedoniya Grekiyağa tiesili» degen mändegi wrandarmen mitingter wyımdastırıluda. Jergilikti halıqtıñ aytuınşa, Makedoniya bwrınnan kele jatqan grekterdiñ jeri, sol sebepti soltüstiktegi körşiler memleketteriniñ atauın olarmen birdey atamau kerek.

Mitingterge qatısqan mıñdağan grekiyalıqtardıñ qatarına ANEL partiyasınıñ keybir ökilderi men din ökilderi de qosılğan. Keybir belsendiler wsınğan ataulardıñ arasında: «Jaña Makedoniya», «Joğarı Makedoniya» jäne «Soltüstik Makedoniya» atauları bar.

"El atauı mäselesi" turalı  ne bilemiz?

Älemniñ köptegen elderi Makedoniyanı onıñ zañdı atauı "Makedoniya Respublikası" dep tanidı. Al, Grekiya öz territoriyasında "Makedoniya" dep atalatın aymaq bolğandıqtan onıñ atauın özgertudi bwrınnan talap etip kelgen edi. Makedoniya, täuelsizdigin jariyalağan 1991 jıldan beri oñtüstiktegi körşisi Grekiyamen aradağı  "el atauı mäselesine" baylanıstı Europa Odağı men NATO-ğa müşe bola almağan. Makedoniya BWW müşeligine qabıldanğan 1993 jılınıñ säuir ayında BWW Bas Assambleyasında halıqaralıq twrğıdan tanılğanmen, oñtüstik körşisi Grekiyanıñ narazılığına oray, uaqıtşa "Bwrınğı YUgoslaviya respublikası Makedoniya" degen atpen müşelikke qabıldanğan bolatın.

“The Qazaq Times”