اقش يراكپەن كەلىسسوز جۇرگىزىپ جاتقاندا اسكەري بازاسىنا شابۋىل جاسالدى

يراك جەرىندەگى اقش باستاعان كواليتسيانىڭ بازاسىنا درون شابۋىلى جاسالدى. شابۋىلدىڭ اقش پەن يراك ورتاسىنداعى «ءتورتىنشى ستراتەگيالىق كەلىسسوزەر» قارساڭىندا جاسالعانى نازار اۋدارتۋدا.

يراكتاعى كۇرد اۆتونوميالى ايماعىنا قاراستى كارير اۋدانىندا ورنالاسقان اسكەري بازا اقش باستاعان كواليتسيا كۇشتەرىنىڭ كۇرد ايماعىنداعى اسا ماڭىزدى بازاسى. دايش سودىرلارىنا قارسى كۇرەستە پايدالانىلعان بازا قازىردە كواليتسيا كۇشتەرىنىڭ ماڭىزدى پوزيتسياسى سانالادى.

يراك نەمەسە وزگە ەلدەردەگى تەررورلىق توپتاردىڭ ەشقايسىزسى شابۋىلدى ءوز موينىنا العان جوق. دەگەنمەن، درون شابۋىلى دايش تارابىنان جاسالعانى تۋرالى جەرگىلىكتى اقپارات قۇرالدارى بولجام جاساعان.

كواليتسيانىڭ ءباسپاسوز وكىلى جاساعان مالىمدەمەدە شابۋىلدىڭ 24 شىلدەگە قاراعان تۇندە جاسالعانى ايتىلعان. الايدا، ماتەريالدىق شىعىندار مەن كىسى ولىمىنە قاتىستى مالىمەتتەر بەرىلمەگەن.

ايتا كەتەيىك، اقش پەن يران ورتاسىندا قازىر «ءتورتىنشى ستراتەگيالىق كەلىسسوزەر» باستالىپ جاتىر. بۇل كەلىسسوزدەر نەگىزىنەن اقش كۇشتەرىنىڭ يراكتان شەگىنىپ شىعۋىنا قاتىستى ماسەلەلەردى تالقىلايدى.

“The Qazaq Times”