دايش سودىرلارى بالالاردى جاۋىنگەرلىك جاتتىعۋعا تاربيەلەۋدە

وزدەرىن «يسلام مەملەكەتى» دەپ اتاعان لاڭكەستىك توپقا قارسى سوعىسقان حالىقارالىق كواليتسيا ەكى جىل بۇرىن يراك پەن ءسۇريا جەرىندە جەڭىسكە جەتكەنىن مالىمدەگەن. سوعان قاراماستان تەررورلىق ۇيىمنىڭ قالدىق كۇشتەرى وزدەرىنىڭ بەلسەندىلىگىن توقتاتقان ەمەس. پاندەميا جاعدايىنان پايدالانىپ قارۋلى لاڭكەستىك توپ كۇش جيناپ، قاتارىنا جاقتاستارىن كوبەيتۋگە ءتىرىستى ءارى ءىس-قيمىل ادىستەرىنە دە وزگەرىستەر ەنگىزدى.

جاقىندا دايش سودىرلارى ۇل بالالار مەن جاس وسپىرىمدەردى ءسۇريانىڭ شىعىسىنداعى قۇمدى دالادا جاۋىنگەرلىك جاتتىعۋدان وتكىزىپ جاتقانى تۋرالى حابارلار تارادى. مالىمەتتەرگە قاراعاندا بۇل بالالار مەن جاسوسپىرىمدەردى ءسۇريانىڭ سولتۇستىك-شىعىسىنداعى بوسقىندار لاگەرىنەن ۇرلاپ اپارعان.

بۇعان قاتىستى مالىمەتتى ءسۇريا مەن يراكتاعى وپەراتسيالارىنا جاۋاپتى اقش قورعانىس مينيسترلىگىنىڭ باس ينسپەكتورى سەيسەنبىدە جاريالاعان. ول مالىمەتتەر بويىنشا اقش- تىڭ اسكەري بارلاۋ دەرەكتەرىنە سىلتەمە جاساعان.

ءسۇريانىڭ سولتۇستىك-شىعىسىنداعى بوسقىندار لاگەرلەرى اقش قولدايتىن ءسۇريا دەموكراتيالىق كۇشتەرىنىڭ باقىلاۋىندا. سوعان قاراماستان دايش ءوز جاقتاستارىنىڭ قاتارىن تولىقتىرۋدا بوسقىندار لاگەرىن باستى نىسانا ەتكەن.

“The Qazaq Times”