الەكساندر لۋكاشەنكو: «بەسسمەرتنىي پولك» بۇرىن بولعان جوق (ۆيدەو)

بەلارۋس پرەزيدەنتى الەكساندر لۋكاشەنكو «بەسسمەرتنىي پولك بۇرىن بولعان جوق» - دەپ مالىمدەدى.

جەرگىلىكتى باق وكىلدەرىنىڭ مالىمەتىنشە، ماۋسىم ايىنىڭ 2-ءى كۇنى الەكساندر لۋكاشەنكو برەست قامالى اۋماعىندا ءباسپاسوز ءماسليحاتىن وتكىزىپ، 9 مامىر كۇنى وتەتىن «بەسسمەرنىي پولك» شەرۋىن قاتاڭ سىنعا العان. ول وندا: «ءبىز وسىدان 20 جىل بۇرىن ءوزىمىزدىڭ تۋىمىزبەن، ءوزىمىزدىڭ توسبەلگىمىزبەن «بەلارۋس پومنيت» شەرۋىن وتكىزۋدى باستاعانبىز. ول كەزدە «بەسسمەرنىي پولك» دەگەن بولعان جوق. ەندى ءبىز ءوزىمىزدىڭ تاريحىمىزدى، ءداستۇرىمىزدى ۇمىتىپ بىرەۋدىڭ ارتىنان جۇگىرۋىمىز كەرەك پە؟ بۇل اقىلعا سىيمايتىن ارەكەت. جەڭىس كۇنىن جەكەشەلەندىرۋگە بولمايدى» - دەگەن.

ەستەرىڭىزگە سالايىق، مامىر ايىنىڭ 9-ى جەڭىس كۇنىنە وراي قازاقستاندا دا"بەسسمەرنىي پولك" شەرۋى وتكەن. وعانى مىڭداعان ادام قاتىسىپ، شەرۋگە كەڭەس وداعىنىڭ تۋلارىن، سوعىستا كوز جۇمعان اتا-بابالارىنىڭ سۋرەتتەرىن الىپ شىققان. بىراق 9 مامىردا بولعان بۇل شەرۋ قوعامدىق پىكىردى كەزەكتى رەت ەكىگە بولگەن. ءبىرى "بەسسمەرنىي پولك" رەسەيدىڭ سانانى ۋلاۋ ءۇشىن جاساعان ساياسي قۇرالى" دەسە، ەندى ءبىرى "بۇل سوعىستا كوز جۇمعان اتا-بابا رۋحىنا تاعزىم" دەگەن.

“The Qazaq Times”