فوتو: Reuters.

سلوۆەنياداعى پارلامەنت سايلاۋىندا وپپوزيتسيا وكىلدەرى جەڭىسكە جەتتى – دەپ حابارلايدى Reuters اقپارات اگەنتتىگى.

Reuters مالىمەتىنشە، سلوۆەنيادا ماۋسىم ايىنىڭ 3-ءى كۇنى وتكەن كەزەكتەن تىس پارلامەنت سايلاۋىندا ەكس-پرەمەر يانەز يانشانىڭ باسقارۋىنشاعى سلوۆەنيا دەموكراتيالىق پارتياسى جەڭىسكە جەتكەن. ول سايلاۋشىلاردىڭ 25 پايىز داۋىسىن جيناعان. ودان كەيىنگى ورىنعا 12,6 پايىز داۋىس جيناعان ماريان شارەتستىڭ جەتەكشىلىگىندەگى سولشىل «تسەنتريستىك قوزعالىس» وكىلدەرى جايعاسقان. ال ءۇشىنشى ورىندى 9,8 پايىز داۋىس جيناعان تاعى ءبىر ەكس-پرەمەر ميرو تسەراردىڭ «قازىرگى تسەنتريستەر پارتياسى» العان.

سايلاۋدا جەڭىسكە جەتكەن سلوۆەنيا دەموكراتيالىق پارتياسىنىڭ كوشباسشىسى يانەز يانشا 2004-2008 جانە 2012-2013 جىلدارى ارالىعىندا سلوۆەنيا پرەمەر-ءمينيسترى بولعان. ونىڭ پارتياسى سلوۆەنياعا تاياۋ شىعىس پەن افريكادان بارعان يمميگرانتتارعا قارسى ۇستانىمدارىمەن ەل ەسىندە قالعان.

“The Qazaq Times”