فوتو: expert.ru

قازاقستان 2018 جىلى التى بىردەي قازاق-قىتاي ينۆەستيتسيالىق جوباسىن ىسكە قوسپاق.

ينۆەستيتسيا جانە دامۋ ءمينيسترى جەڭىس قاسىمبەكتىڭ سوزىنشە، قازىرگى تاڭدا قازاق-قىتاي ينۆەستيتسيالىق جوباسى اياسىندا جالپى قۇنى 7 ميلليارد دوللاردى قۇرايتىن 11 نىساننىڭ قۇرىلىسى باستالعان. سونىڭ ىشىندە 6 نىسان 2018 جىلى پايدالانۋعا بەرىلمەك.

جالپى، قازاق-قىتاي ينۆەستيتسيالىق جوباسى اياسىندا قازاقستان اۋماعىندا 51 نىسان سالۋ جوسپارلانعان. قازىرگى ۋاقىتتا سولتۇستىك قازاقستان، پاۆلودار جانە قوستاناي وبلىستارىندا جالپى قۇنى 143 ميلليون دوللاردى قۇرايتىن 4 نىسان ىسكە قوسىلعان.

ەستەرىڭىزگە سالايىق، وسىدان بىرنەشە جىل بۇرىن قازاقستان اۋماعىندا قىتايلىق كومپانيالار سالاتىن 51 نىسانعا بايلانىستى داۋ تۋعان. قازاقستان حالقى قىتايلىق كومپانيالاردىڭ ەل اۋماعىندا زاۋىت سالۋىنا قارسى شىققان.

“The Qazaq Times”