شىنجاڭ جاعدايى. فوتو: VOA.

ۋاشيگتون – قىتايدىڭ شىنجاڭ ولكەسىندە بىرنەشە ءجۇز مىڭ ادامنىڭ جەرگىلىكتى ۇكىمەت جاعىنان «ساياسي ۇيرەنۋ لاگەرىنە» قامالعانى تۋرالى اقش مەملەكەتتىك دەپارتامەنتىنىڭ رەسمي مالىمدەمەلەرىندە ايتىلدى. كەيبىر مالىمەتتەر بويىنشا بۇل كورسەتكىش ميلليون ادامعا جۋىق ەكەنى ايتىلادى. بۇل تۋرالى اقش-تىڭ VOA News اگەنتتىگى ءوز سايتىندا جازدى.

ال، جاقىندا اقش-تىڭ Associated Press اقپاراتتىق اگەنتتىگى، بىلتىر قازاقستاندىق باق-تا تاراعان ومىربەك بەكالى تۋرالى حابار تاراتىپ،  شىنجاڭداعى ادام قۇقىعى ماسەلەسىنىڭ اۋىر كۇيدە قالعانىن راستادى.

بۇدان تىس اقش پەن ەۋروپا ەلدەرىنىڭ رەسمي باسىلىمدارى شىنجاڭداعى نەشە ءجۇز مىڭ ادامنىڭ تۇرمەگە قامالىپ، ادامدىق قۇقىقتىڭ اۋىر دارەجەدە بۇلىنگەنى تۋرالى حابارلاردى جارىسا تاراتۋدا. بۇعان قاراعاندا، الداعى ۋاقىتتا The Times, The New York Times, The Wall Street Journal قاتارلى ىقپالدى باسىلىمداردا دا اتالعان ماسەلەلەر جوعارى دەڭگەيدە كوتەرىلۋى بەك مۇمكىن.

ايتا كەتەيىك، وسىدان بۇرىن سايتىمىزدا اقش-تىڭ تانىمال The Wall Street Journal باسىلىمى جۋرناليستەرىنىڭ شىنجاڭ ساپارى ەستەلىگى جاريالانعان بولاتىن.

 “The Qazaq Times”