قازاق ارمياسى بار كۇش-قۋاتىن كورسەتپەك

فوتو: theopenasia.net

قازاقستان قارۋلى كۇشتەرى مامىر ايىنىڭ 7-ءى كۇنى ءوزىنىڭ بار كۇش-قۋاتىن كورسەتپەك.

7 مامىر وتان قورعاۋشىلار كۇنىنە وراي جامبىل وبلىسىنداعى وتار سىناق الاڭىندا 3 مىڭنان استام سارباز بەن 300-گە جۋرىق اسكەري تەحنيكانىڭ قاتىسۋىمەن اسكەري پاراد وتپەك. بۇعان ءدال وسىنداي اسكەري پاراد 2013 جىلدىڭ 7 مامىرىندا وتكەن. بىراق سوڭعى بەس جىلدا قازاقستان ارمياسى ءوزىنىڭ كۇش-قۋاتىن ارتتىرعان.

فوتو: theopenasia.net

2015 جىلمەن سالىستىرعاندا بيىلعى پارادقا 4++ ساناتىنداعى سۋ-30سم بومبالاۋشى ۇشاعى، مودەرنيزاتسيادان وتكىزىلگەن سۋ-25ۋبم شابۋىلداۋشى ۇشاعى، مي-17, UH-1, ەس-145 تىك ۇشاقتارى، تانكتەرگە كومەك كورسەتەتىن «تەرميناتور» سوعىس ماشيناسى مەن ت-72 تانكىلەرى قاتىستىرىلماق. بۇدان بولەك 2018 جىلعى اسكەري شەرۋدە 22 مم زپۋ-2 زەنيتتىك قۇرىلعىسى، 122,4 كاليبرلى «پريما» رەاكتيۆتى زىمىراندار قۇرىلعىسى، 152 مم مستا زەكبىرەكتەرى جانە كاليبرى 300 مم 9ك58 «سمەرچ» رەاكتيۆتى زىمىراندار قۇرىلعىلعىسى دايىندىقتارىن پىسىقتايدى.