فوتو: نەمىس تولقىنى.

وڭتۇستىك جانە سولتۇستىك كورەيا باسشىلارى كەزدەستى – دەپ حابارلايدى نەمىس تولقىنى اقپارات اگەنتتىگى.

كحدر باسشىسى كيم جوڭ ۋن مەن وڭتۇستىك كورەيا پرەزيدەنتى ءمۇن جاين ەكى ەل اراسىنداعى پحانمۋنجوم شەكارا بەكەتىندە كەزدەسكەن. كەزدەسۋ بارىسىندا كيم جوڭ ۋن «سولتۇستىك كورەيا دەلەگاتسياسى بۇل كەزدەسۋدى بەيبىتشىلىك پەن دامۋ جولىنداعى جاڭا تاريحتىڭ باسى دەپ بىلەدى» - دەگەن. ال ءوز كەزەگىندە ءمۇن جاين كحدر باسشىسىن الدىنا الا كەلىسىلگەن كەلىسىمدەر بويىنشا جۇمىس ىستەۋگە شاقىرعان.

جەرگىلىكتى باق وكىلدەرىنىڭ مالىمەتىنشە، كيم جوڭ ۋن مەن ءمۇن جاين كەزدەسۋ بارىسىندا سولتۇستىك كورەيا مەن وڭتۇستىك كورەيا قارىم-قاتىناسى جونىندەگى جانە بىرلەسىپ جۇمىس ىستەۋ جونىندەگى بىرقاتار قۇجاتتارعا قول قويادى. بۇل جولعى كەزدەسۋدىڭ باستى ەرەكشەلىگى كحدر باسشىسىنىڭ اراعا 65 جىل سالىپ وڭتۇستىك كورەيا اۋماعىنا اياق باسۋى. وسى ۋاقىت ارالىعىندا ءبىر دە ءبىر سولتۇستىك كورەيالىق جوعارى لاۋازىمدى تۇلعا وڭتۇستىك كورەيا اۋماعىنا وتپەگەن.

“The Qazaq Times”