Freedom House اۆتوكراتيالىق ەلدەردىڭ ءتىزىمىن جاريالادى

Freedom House ۇيىمى اۆتوكراتيالىق باسقارۋ جۇيەسىندەگى ەلدەردىڭ ءتىزىمىن جاريالادى.

وعان تمد ەلدەرى اراسىندا قازاقستان، وزبەكستان، رەسەي، تۇركىمەنستان، ءازىربايجان، تاجىكستان جانە بەلارۋس كىرگەن. Freedom House مالىمەتىنشە، اتالمىش جەتى مەملەكەتتىڭ ىشىندە رەسەي بيلىگى ساياسي باسەكەلەستەرى مەن ازاماتتىق بەلسەندىلەردى ءجيى قۋدالايدى. ال قالعان مەملەكەتتەردە سالىستىرمالى تۇردە العاندا جاعداي ورتاشا دەڭگەيدە. بىراق 2017 جىلى وزبەكستان بيلىگى وزگە اۆتوكراتيالىق جۇيەدەگى مەملەكەتتەرگە قاراعاندا ءسوز بوستاندىعىنا قويىلاتىن شەكتەۋلەردى ازايتقان. وسىعان بايلانىستى بيىل Freedom House  ۇيىمى وزبەكستانعا اۆتوكراتيالىق جۇيەدەگى مەملەكەتتەر اراسىنداعى «جارقىن بەلگى» دەگەن اتاق بەرگەن. بىراق ۇيىم وكىلدەرى شاۆكات ميرزيەەۆ بيلىگىن ءالى دە بولسا يسلام كارىموۆتان قالعان جۇيەنى تولىقتاي وزگەرتە الماي وتىرعانىن ايتادى. اتاپ ايتقاندا ميرزيەەۆ بيلىگى ادامداردى تۇرعىلىقتى مەكەن-جايى بويىشا باقىلاۋدا ۇستاۋ جانە ەكونوميكانى باسقارۋ جۇيەسىن ءالى كۇنگە دەيىن وزگەرتپەگەن.

“The Qazaq Times”