اق ءۇي مالىمدەمەشىسى سارا ساندەرس. فوتو: National Review.

اق ءۇيدىڭ ءبىر كۇن بۇرىنعى مالىمدەمەسىندە، سۇرياداعى دۋما اۋدانىندا جاسالعان حيميالىق شابۋىلعا، رەسەيدىڭ دە كىنالى ەكەنىن ايتتى. اقش تارابى باشار اساد رەجيمىنىڭ حيميالىق شابۋىلىنا قولداۋ بەرگەن رەسەي مەن يراندى ايىپتادى. بۇل تۋرالى «شينلاڭ» اقپاراتتىق سايتى حابارلادى.

اق ءۇي مالىمدەمەشىسى سارا ساندەرس سوزىندە: «رەسەي حيميالىق قارۋدى تاراتپاۋ كەلىسىمىنە ساتقىندىق جاسادى»، – دەدى. ول دۋماداعى حيميالىق شابۋىلدىڭ ءسۇريا رەجيمى وسىعان دەيىنگى شابۋىلدا قولدانعان قارۋلارمەن جاسالعانىن ايتا كەلىپ: «بۇل حيميالىق شابۋىلعا باستى جاۋاپكەرشىلىك ەتۋشى باشار اساد ۇكىمەتى بولاتىنىن تۇسىندىرەدى»، – دەدى.

ساندەرس وسىعان دەيىن رەسەيدىڭ ءسۇريا رەجيمىندەگى حيميالىق قارۋدىڭ جويىلۋىنا كەپىل بولىپ كەلگەنىن، شىن مانىسىندە بۇل كەپىلدىك پەن ۋادەنىڭ جۇزەگە اسپاعانىن اتاپ ءوتتى. ءارى وسى ءۇشىن رەسەي مەن ءسۇريا ۇكىمەتى جازالانۋى كەرەك دەگەن پىكىرىن بىلدىرگەن. اق ءۇي تارابى ءسۇريا مەن رەسەي كۇشتەرى شابۋىل جاساعان ايماقتارداعى تۇرعىنداردىڭ مەديتسينالىق جانە الەۋمەتتىك كومەگى حالىقارالىق باقىلاۋعا الىنۋى كەرەك دەپ قارايدى.

“The Qazaq Times”