فوتو: Yvision.kz

قاراقالپاقستان كونستيتۋتسياسىنىڭ قابىلدانعانىنا 25 جىل تولدى.

ءساۋىر ايىنىڭ 9-ى كۇنى وزبەكستان قۇرامىنداعى قاراقالپاقستان رەسپۋبليكاسىنىڭ كونستيتۋتسياسىنىڭ قابىلدانعانىنا 25 جىل تولدى. قاراقالپاقستان كونستيتۋتسياسى وسىدان 25 جىل بۇرىن ياعني 1993 جىلدىڭ 9 ءساۋىر كۇنى جوعارى كەڭەستىڭ ءحىى سەسسياسىندا قابىلدانعان. اتا زاڭنىڭ ءبىرىنشى بابىندا «قاراقالپاقسىن وزبەكستان رەسپۋبليكاسىنىڭ قۇرامىنا كىرەتىن دەموكراتيالىق رەسپۋبليكا. ەكى ەل اراسىنداعى قارىم-قاتىناس ارنايى كەلىسىم قۇجاتى ارقىلى رەتتەلەدى. قاراقالپاقستان وزبەكستان قۇرامىنان شىعۋعا قۇقىلى. ول جالپى حالىقتىق رەفەرەندۋم ارقىلى جۇزەگە اسىرىلادى» - دەلىنگەن.

ەستەرىڭىزگە سالايىق، 1925 جىلدىڭ 16 اقپان كۇنى قاراقالپاقستان اسسر-ى قازاق اسسر-نىڭ قۇرامىنا كىرگەن. بىراق كوپ ۇزاماي ول 1930 جىلى 20 شىلدە كۇنى قازاق اسسر-نىڭ قۇرامىنان شىعارىلىپ، تىكەلەي رسفسر باسقارۋىنا وتكەن. كەيىننەن 1932 جىلى جەكە قاراقالپاقستان اسسر بولىپ قۇرىلىپ، 1933 جىلى اۆتونوميالىق ايماقتىڭ استاناسى بولىپ نۇكىس قالاسى بەكىتىلگەن. الايدا ارادا ءۇش جىل وتكەن سوڭ 1936 جىلدىڭ 5 جەلتوقسانىندا اۆتونوميالىق رەسپۋبليكا وزبەكستان اسسر-نىڭ قۇرامىنا كىرگەن. 1990 جىلدىڭ 14 جەلتوقسانىندا قاراقالپاقستان اسسر-ى جوعارى كەڭەسى مەملەكەتتىڭ تولىقتاي تاۋەلسىزدىگى جالپى حالىقتىق رەفەرەندۋم ارقىلى جۇزەگە اسىراتىلىندىعى جونىندە شەشىم قابىلداعان. 1992 جىلدىڭ قاڭتار ايىنىڭ 9-ى كۇنى اۆتونوميالىق ايماق اتاۋى قاراقالپاقستان رەسپۋبليكاسى بولىپ وزگەرتىلگەن. 1993 جىلى قاراقالپاقستان رەسپۋبليكاسىنىڭ 20 جىل وزبەكستان قۇرامىندا بولاتىندىعى جونىندە ۇكىمەت ارالىق كەلىسىمگە قول قويىلعان. كەلىسىم بويىنشا، قاراقالپاقستان وزبەكستان قۇرامىنان جالپى حالىقتىق رەفەرەندۋم ارقىلى ءبولىنىپ شىعا الادى.

“The Qazaq Times”