ابۋ-دابيدە يزرايل ەلشىلىگى اشىلدى. فوتو: Atayalar.

ءيزرايلدىڭ پالەستيناعا باعىتتاعان اگرەسسياسىنىڭ جالعاسىپ جاتقانىنا قاراماستان بىرقاتار اراب مەملەكەتتەرى يزريلمەن ديپلوماتيالىق بايلانىستارىن دامىتۋدى جالعاستىرۋدا. ەۆرەي مەملەكەتىنىڭ ءسىم باسشىسى بىرىككەن اراب امىرلىگىنە العاش رەت ساپارلاي باردى جانە سول ەلدە العاش رەت يزرايل ەلشىلىگى اشىلدى.

يزرايل سىرتقى ىستەر ءمينيسترى ياير لاپيد ابۋ-دابيگە بارعان العاشقى ەۆرەي سىرتقى ىستەر ءمينيسترى بولىپ تاريحتا قالدى. ول بۇل ساپارىندا ءيزريالدىڭ ءباا-دەگى ەلشىلىگىنىڭ اشىلۋ سالتاناتىنا قاتىستى.

ءباا  مەن يزرايل بىلتىر عانا ديپلوماتيالىق قارىم-قاتىناستاردى قالپىنا كەلتىرۋ تۋرالى كەلىسىمگە كەلگەن بولاتىن. وعان اقش ارا اعايىندىق جاساعان.

ابۋ-دابيدە ءسوز سويلەگەن العاشقى يزرايل باس ديپلوماتى ياير لاپيد ماڭىزدى كەلىسىمگە قول قويعان ەلىنىڭ بۇرىنعى پرەمەر-ءمينيسترى بەنيامين نەتانياحۋعا العىسىن ايتا كەلىپ: «كەلىسىمگە ليدەرلەر قول قويادى، الايدا ونى حالىقتار جاسايدى. بۇگىنگى شارا بۇل تاريحي شەشىمنىڭ سوڭى ەمەس، كەرىسىنشە باستالۋى»، – دەگەن.

ءباا سىرتقى ىستەر ءمينيسترى ابدۋللاح بين زايەد ياحياني ەۆرەي ارىپتەسىنىڭ العاشقى ساپارىنا ساتتىلىك تىلەپ جىلى قارسى الدى.

“The Qazaq Times”