حالىقارالىق عالىمدار توبى انىقتاعانداي، ادام قارتايعاندا  ميدىڭ تانىمدىق فۋنكتسيالارى مەن  بەلسەندىلىگىن باقىلايتىن قىزمەتى تومەندەيدى. زەرتتەۋ ناتيجەسى JAMA Neurology جۋرنالىندا جارىق كوردى.

جەڭىل كوگنيتيۆتىك زاقىمدانۋ (MCI) – ميداعى ينتەللەكتۋالدى بەلسەندىلىكتىڭ تومەندەۋى. دەمەنتسيا سياقتى ەمەس، الەۋمەتتىك دەزاداپتاتسياعا  شالدىرمايدى. ادەتتە مۇنداي بەلگىلەر قارت ادامداردا ءجيى  بايقالادى. ايتا كەتەتىنى، ميدىڭ  بەلسەندىلىگىن ارتتىرۋعا باعىتتالعان جاتتىعۋلار بولاشاقتا كوگنيتيۆتى كۇيزەلىستەردى تومەندەتەدى.

الايدا، بۇل جەڭىل كوگنيتيۆتى زاقىمدانۋدىڭ (MCI) كارىلىك كەزىندەگى مي بەلسەندىلىگىنىڭ ازايۋىمەن قانشالىقتى بايلانىسى بار دەگەن سۇراققا جاۋاپ جوق بولعان. سونى تەكسەرۋ ماقساتىندا، اريزوناداعى مەيو ەمحاناسىنىڭ عالىمدارى، ميننەسوتە مەن حالىقارالىق كلينيكالىق زەرتتەۋ ورتالىعىنىڭ (چەحيا) زەرتتەۋشىلەرى 70 جاستان اسقان  1929 ادامعا تاجىريبە جۇرگىزدى. ونىڭ ىشىندە ينتەللەكتىنە ەشبىر زاقىم كەلمەگەن ادامدار دا بار.

ودان كەيىن الەۋمەتتىك-دەموگرافيالىق پارامەترلەر بويىنشا اۆتورلار زياتكەرلىك قىزمەتىنە بايلانىستى ادامداردىڭ ينتەللەكتۋالدى دەڭگەيىن سالىستىردى. سوڭعىلارىنا كومپيۋتەرمەن ۇزدىكسىز جۇمىس ىستەيتىندەر، كومپيۋتەرلىك ويىنداردى وينايتىندار مەن قولونەرمەن اينالىساتىندار جاتادى. اراعا 15 اي سالىپ عالىمدار ەرىكتىلەرگە نەيروكوگنيتيۆتى باعالاۋ جۇرگىزىپ وتىرعان. وسىلايشا جالپى تاجىريبە ۋاقىتى 4 جىلعا سوزىلعان.

ناتيجەسى تومەندەگىدەي بولعان: كومپيۋتەردە جۇمىس ىستەگەن قارت ادامدارداعى جەڭىل كوگنيتيۆتى زاقىمدانۋ دەڭگەيى 30 پايىزدىق پۋنكتكە (پ.پ.), قولونەرشىلەردىكى – 28 پ.پ دەڭگەيىنە دەيىن تومەندەگەن.

"The Qazaq Times"