رەسەيدىڭ ۇلىبريتانياداعى ەلشىسى الەكساندر ياكوۆەنكو.

رەسەي ەلشىسى «سكريپال ءىسىنىڭ» ارتىندا كىم تۇرعانىن ايتتى – دەپ حابارلايدى ريا نوۆوستي اقپارات اگەنتتىگى.

نتۆ تەلەارناسىنا سۇحبات بەرگەن رەسەيدىڭ ۇلىبريتانياداعى ەلشىسى الەكساندر ياكوۆەنكو: «ءبىزدى «سكريپال ىسىنە» ارالاستىرماي وتىر. بىزبەن قانداي دا ءبىر ارىپتەستىك ورناتۋعا قۇلىقسىز. ۇلىبريتانيا رەسەيدى ارانداتىپ وتىر. «سكريپال ءىسىنىڭ» ارتىندا ۇلىبريتانيا ارنايى قىزمەتى تۇر» - دەگەن.

ەستەرىڭىزگە سالايىق، بۇعان دەيىن ۇلىبريتانيادا رەسەيدىڭ بۇرىنعى بارلاۋ قىزمەتكەرى سەرگەي سكريپال مەن ونىڭ قىزىنا قاستاندىق جاسالعان. تەكسەرۋ بارسىندا ەكس-اگەنت پەن ونىڭ قىزىنا جۇيكە جۇيەسىن زاقىمدايتىن ۋ بەرىلگەندىگى انىقتالعان. ۇلىبريتانيا ساراپشىلارىنىڭ سوزىنشە، اتالمىش ۋ رەسەيدە جاسالعان جانە سكريپالدى رەسەي اگەنتتەرى ولتىرمەك بولعان.

“The Qazaq Times”