بارسەلونادا 10 مىڭ ادام ەرەۋىلگە شىقتى – دەپ حابارلايدى El Mundo گازەتى.

باسىلىم مالىمەتىنشە، بارسەلوناداعى يسپانيا ۇكىمەتى عيماراتىنىڭ الدىنا 10 مىڭنان استام ادام جينالعان. ولار يسپان سوتىنىڭ كاتالونيالىق 5 ساياساتكەردى تۇتقىنعا الۋ جونىندەگى شەشىمىنە قارسى نارازىلىق اكتسياسىن وتكىزگەن. ەرەۋىلگە قاتىسۋشىلار يسپانيا كورولىنىڭ سۋرەتىن ورتەپ، كاتالونيا حالقىن جاپپاي قارسىلىق اكتسياسىن ۇيىمداستىرۋعا شاقىرعان. پوليتسيامەن قاقتىعىس كەزىندە 27 ادام ءتۇرلى دەنە جاراقاتتارىن العان.

ەستەرىڭىزگە سالايىق، 23 ناۋرىز كۇنى يسپانيا جوعارى سوتى «كاتالونيانى يسپانيادان ءبولىپ الۋ ماقساتىندا مەملەكەتتىك توڭكەرىس جاساماق بولدى» - دەپ ايىپتالعان كاتالونيانىڭ ەكس-باسشىسى كارلەس پۋچدەمون مەن ايماقتىق ۇكىمەتتىڭ 13 ساياساتكەرىن كىنالى دەپ تانىپ، ولاردى تۇتقىنداۋعا ۇكىم شىعارعان. يسپانيا زاڭىنا سايكەس ساياساتكەرلەر 30 جىلعا دەيىن باس بوستاندىعىنان ايىرىلۋى مۇمكىن.

“The Qazaq Times”