رەسەيلىك عالىمدار ناشاقورلىققا قارسى ءدارى ويلاپ تاپتى

رەسەيدە ەسىرتكىگە تاۋەلدىلىككە توقتاۋ سالاتىن ارنايى مولەكۋلانى ويلاپ تاپتى. 2023 جىلعا قاراي بۇل ناشاقورلىققا قارسى رەسەيلىك ءبىرىنشى ءونىم بولادى دەپ جوسپارلانۋدا. بۇل تۋرالى  «يزۆەستيا» گازەتى حابارلايدى.

بۇل پرەپارات ءمورفيننىڭ ناركوتيكالىق انالوگى رەتىندە جۇرمەيدى. ول ناشاقور ادامنىڭ قانىنا جەتكەن كەزدە، ورگانيزمدە ەسىرتكىنى ميعا وتكىزبەيتىن، انتيدەنەلەر وندىرىلە باستايدى. ياعني، ادام بۇل ەسىرتكىنى قولدانعاننان كەيىن، ودان ءلاززا المايدى. ناتيجەسىندە قولدانۋدى دا توقتاتادى. زەرتتەۋشى عالىمداردىڭ ويىنشا، جاڭا پرەپارات ءوپويدتى تاۋەلدىلىكپەن (گەروين، مورفين، دەزومورفين) كۇرەسۋگە كومەكتەسەدى. ەمدەلۋ ۋاقىتى ءبىر جىلدان ەكى جىلعا دەيىن سوزىلادى.

«وسى ۋاقىتقا دەيىن قولدانىلىپ كەلگەن پرەپاراتتار ناشاقورلاردىڭ 10-30 پايىزىن عانا ەمدەۋگە قاۋقارلى بولعان. ونىڭ ۇستىنە كەرى اسەرلەرى كوپ بولاتىن. ءبىزدىڭ ءدارى دەتوكسيكاتسيادان كەيىن قايتا ەسىرتكىلەردى قولداندىرمايتىنداي بولادى»، – دەيدى فيزيولوگيالىق بەلسەندى زاتتار لابوروترياسىنىڭ مەڭگەرۋشىسى ران مارينۋ مياگكوۆا.

بيىلعى، تولىق قولدانىسقا ەنگىزىلگەنگە دەيىن، جانۋارلارعا تاجىريبە جاسايدى. سودان كەيىن عانا ونى پروفيلاكتيكالىق ماقساتتا  (مىسالى، جاسوسپىرىمدەرگە) قولدانۋعا بولاتىن، بولمايتىنىن انىقتايدى.  ناتيجەسى وڭ بولعان جاعدايدا، عالىمدار اتالمىش پرەپاراتتى ادامدارعا ۇسىناتىن بولادى. مياگكوۆانىڭ ايتۋىنشا، قازىرگى ۋاقىتتا ءدارى-دارمەكتىڭ پروفيلاكتيكا ءۇشىن قولدانىلۋى جايلى  دەنساۋلىق ساقتاۋ مينيسترلىگىنىڭ پوزيتسياسى بەلگىسىز.

رەسەيءدىڭ ءوزى وزدەرى وندىرمەگەندىكتەن، ەسىرتكىگە تاۋەلدىلىكتى شەت ەلدىڭ ءدار-دارمەكتەرىمەن ەمدەيدى ەكەن. جاڭا پرەپارات امەريكالىق نالترەكسوننىڭ انالوگى بولىپ تابىلادى ەكەن.

قازىرگى ۋاقىتتا، رەسەيءدىڭ دەنساۋلىق ساقتاۋ مينيسترلىگىنىڭ دەرەگىنە سۇيەنسەك، 600 مىڭ ناشاقور تىركەلگەن. الايدا، ەسىرتكىمەن كۇرەس فەدەراتسياسى رەسمي تىركەلمەگەن ناشاقورلارمەن قوسا ەسەپتەگەندە، ۇزىن سانى 4-7 ميلليون ادام ادام ەكەندىگىن جەتكىزگەن.

“The Qazaq Times”