نازارباەۆ ورتالىق ازياداعى سۋ ماسەلەسىن قوزعادى

قر پرەزيەنتى نۇرسۇلتان نازارباەۆ ورتالىق ازيا ەلدەرىندەگى سۋ ماسەلەسى تۋرالى ايتتى.

استانادا ءوتىپ جاتقان ورتالىق ازيا ەلدەرىنىڭ باسشىلارىنىڭ كەزدەسۋى كەزىندە نۇرسۇلتان نازارباەۆ مەملەكەت باسشىلارى سۋعا قاتىستى ماسەلەنى ءوزارا شەشكەنىن مالىمدەدى.

"ەڭ باستى ماسەلە - سۋ ماسەلەسى. ءبىز ءامۋداريا مەن سىرداريانىڭ جان جاعىندا ءومىر ءسۇرىپ جاتقان 70 ملن حالقى بار ەلدەرمىز. مۇندا ءبىز كەلىستىك، ساياسي ساۋدا بولۋى مۇمكىن ەمەس", - دەدى نازارباەۆ.

سونداي-اق، پرەزيدەنت بۇل ماسەلە بارلىق مەملەكەتتەردىڭ ارالاسۋى ارقىلى بىرگە شەشىلۋى كەرەك ەكەنىن اتاپ ءوتتى.

ايتا كەتەيىك، دۇنيەجۇزىلىك بانك ساراپشىلارىنىڭ پىكىرىنشە،  ورتا ازياداعى  سۋ تاپشىلىعى 2050 جىلعا قاراي وڭىردەگى جالپى ىشكى ءونىمدى 11 پايىزعا تومەندەتۋى مۇمكىن. ال 2014  جىلى  «Nature» حالىقارالىق عىلىمي جۋرنالى ورتالىق ازيا ەلدەرىنىڭ سۋ رەسۋرستارىن ءتيىمسىز پايدالاناتىن مەملەكەتتەردىڭ قاتارىندا كوش باستاپ تۇرعانىن جازعان ەدى.

“The Qazaq Times”