نۇرسۇلتان نازارباەۆ پەن ەمومالي راحمون. فوتو: sputnik-tj.com.

تاجىكستان پرەزيدەنتى استاناعا رەسمي ءىس-ساپارمەن كەلدى.

ەمومالي راحموندى استانا اۋەجايىندا ۆيتسە-پرەمەر ومىرزاق شوكەەۆ كۇتىپ الدى. تاجىكستان پرەزيدەنت اكىمشىلىگى ءباسپاسوز قىزمەتىنىڭ حابارلاۋىنشا، ەمومالي راحمونمەن بىرگە قازاقستانعا تاجىكستان سىرتقى ىستەر ءمينيسترى،  دەنساۋلىق ساقتاۋ ءمينيسترى، سىرتقى بايلانىس بويىنشا پرەزيدەنت كومەكشىسى، ىشكى ىستەر ءمينيسترى جانە ەڭبەك ءمينيسترى كەلگەن.

ەمومالي راحمون استاناعا جاساعان ءىس-ساپارى بارىسىندا قازاقستان پرەزيدەنتى نۇرسۇلتان نازارباەۆپەن ەكى جاقتىق قارىم-قاتىناس، ايماقتىق جانە حالىقارالىق ماسەلەلەردى تالقىلايدى جانە ناۋرىز ايىنىڭ 15-ءسى مەن 16-سى كۇندەرى ارالىعىندا وتەتىن ورتالىق ازيا ەلدەرى باسشىلارىنىڭ سامميتىنە قاتىسادى دەپ جوسپارلانۋدا. سامميتكە ەمومالي راحموننان وزگە وزبەكستان باسشىسى شاۆكات ميرزيەەۆ، قىرعىزستان پرەزيدەنتى سوورونباي جەەنبەكوۆ جانە تۇركىمەنستان پارلامەنتىنىڭ سپيكەرى اكدجان نۇربەردىيەۆ قاتىسادى.

“The Qazaq Times”