Нұрсұлтан Назарбаев пен Эмомали Рахмон. Фото: sputnik-tj.com.

Тәжікстан президенті Астанаға ресми іс-сапармен келді.

Эмомали Рахмонды Астана әуежайында вице-премьер Өмірзақ Шөкеев күтіп алды. Тәжікстан президент әкімшілігі баспасөз қызметінің хабарлауынша, Эмомали Рахмонмен бірге Қазақстанға Тәжікстан сыртқы істер министрі,  денсаулық сақтау министрі, сыртқы байланыс бойынша президент көмекшісі, ішкі істер министрі және еңбек министрі келген.

Эмомали Рахмон Астанаға жасаған іс-сапары барысында Қазақстан президенті Нұрсұлтан Назарбаевпен екі жақтық қарым-қатынас, аймақтық және халықаралық мәселелерді талқылайды және наурыз айының 15-сі мен 16-сы күндері аралығында өтетін Орталық Азия елдері басшыларының саммитіне қатысады деп жоспарлануда. Саммитке Эмомали Рахмоннан өзге Өзбекстан басшысы Шавкат Мирзиеев, Қырғызстан президенті Сооронбай Жээнбеков және Түркіменстан парламентінің спикері Акджан Нұрбердыйев қатысады.

“The Qazaq Times”