فوتو: Sputnik تادجيكيستان

تاجىكستان مەن وزبەكستان پرەزيدەنتتەرىنىڭ دۋشانبەدە وتكەن كەزدەسۋى ناتيجەسىندە ەكى ەل ازاماتتارىنا وتىز كۇندىك ۆيزاسىز جۇيە ەنگىزۋ تۋرالى كەلىسىم قابىلداندى.

ۆيزاسىز جۇيە ەنگىزۋ تۋرالى كەلىسىمدى ەكى ەلدىڭ پارلامەنتتەرى جاقىن كۇندەرى ماقۇلدايدى. "مۇنداي جۇمىس ءبىر اپتادان ون كۇنگە دەيىن ۋاقىت الۋى مۇمكىن", - دەدى تاجىك دەپۋتاتتارىنىڭ ءبىرى.

اقپاراتقا قاراعاندا، ۇلت سارايىندا وتكەن كەلىسسوزدەردە ساۋدا-ەكونوميكالىق ارىپتەستىكتى دامىتۋ ماسەلەلەرىنە كوڭىل ءبولىندى. وتكەن جىلدىڭ قورىتىندىسىنا قاراعاندا، ساۋدا اينالىمى 240 ملن دوللار بولعان.

"پرەزيدەنت شاۆكات ميرزياەۆ تاۋار اينالىمىن الداعى جىلدارى 500 ملن دوللارعا دەيىن جەتكىزۋ ءۇشىن ءالى دامىماي جاتقان سالالار بار ەكەنىن ايتتى", - دەلىنگەن وزبەك پرەزيدەنتىنىڭ ءباسپاسوز قىزمەتى تاراتقان رەسمي حابارلامادا.

ال تاجىكستان باسشىسى  ەمومالي راحمون ەكى ەل اراسىنداعى ساۋدا اينالىمى الداعى جىلدارى 1 ملرد دوللارعا جەتەدى دەپ ۇمىتتەندى. تاجىك باسشىسى ەكى ەل اراسىنداعى مەملەكەتتىك شەكارانى "دوستىق شەكاراسى" دەپ اتاپ، تاجىكستان مەن وزبەكستان سارەز وزەنىنىڭ سۋ رەسۋرسىن ەكى ەلدىڭ دامۋى ءۇشىن پايدالانۋعا كەلىسكەنىن اتاپ ءوتتى.

“The Qazaq Times”