فوتو: Arnapress.kz

قازاقستانعا ءسۇريا مەن يراك اۋماعىنداعى تەررورلىق ۇيىمداردىڭ ساپىندا بولعان 125 ازامات قايتىپ ورالعان.

بۇگىن ۇكىمەت جيىنىندا ءسوز سويلەگەن ۇقك توراعاسىنىڭ ورىنباسارى نۇرعالي بىلىسبەكوۆ: «وزدەرىڭىز بىلەتىندەي ءسۇريا مەن يراك اۋماعىنداعى حالىقارالىق تەررورلىق ۇيىمدار جەڭىلىس تاپتى. وسىنىڭ سالدارىنان لاڭكەستەر مەن ولاردىڭ وتباسى ەلدەرىنە قايتۋدا. مىسالى، قازاقستانعا وسى ۋاقىتقا دەيىن ءسۇريا مەن يراك اۋماعىندا بولعان 125 ازامات قايتىپ ورالدى. ولاردىڭ 57-ءسى باس بوستاندىعىنان ايىرىلدى. قالعاندارى قۇزىرلى ورگانداردىڭ باقىلاۋىندا» - دەگەن.

بۇدان بولەك نۇرعالي بىلىسبەكوۆتىڭ سوزىنشە، ەل بيۋدجەتىنەن 2022 جىلعا دەيىن ءدىني ەكسترەميزم جانە تەرروريزمگە قارسى كۇرەس شارالارىنا 270 ميلليارد تەڭگە بولىنبەك. اتالمىش قارجى قۇقىق قورعاۋ ورگاندارىن ارنايى قۇرىلعىلارمەن جابدىقتاۋعا، قارۋلاندىرۋعا، پروفيلاقتيكالىق ءىس-شارالاردى وتكىزۋگە جانە قىزمەتكەرلەردىڭ كاسىبي بىلىكتىلىگىن ارتىرۋعا جۇمسالماق.

“The Qazaq Times”