توتەنشە جاعداي مينيسترلىگىنىڭ بىشكەك قالالىق باسقارماسىنىڭ 50-دەن استام قىزمەتكەرى ەڭبەكاقىنى كوتەرۋدى تالاپ ەتتى، دەپ حابارلايدى ورتالىق ازيا جاڭالىقتار قىزمەتى.

قر تجم مەملەكەتتىك ورتكە قارسى قىزمەت باسقارماسىنىڭ وكىلى قىزمەتكەرلەردىڭ زياندى جۇمىس ءۇشىن تولەنەتىن ۇستەماقىنىڭ الىنىپ تاستالعانىنا نارازى ەكەنىن ايتادى.

بۇل اقپاراتتى تجم ءباسپاسوز حاتشىسى ەلميرا شەريپوۆا راستادى. ونىڭ سوزىنشە، قىزمەتكەرلەر ميتينگكە شىقپاعان. بىراق ءبارى باسشىلىققا بارىپ، تالاپ ەتكەن. ولاردى مينيستر كۋباتبەك بورونوۆ قابىلداپ، ماسەلەنى تالقىلاعان. باسشىلىقتىڭ ايتۋىنشا، ۇستەماقى ەڭبەك زاڭىنا قايشى كەلەدى ەكەن. بىراق تالاپتارىن قاراۋعا ۋادە بەرگەن.

تجم مالىمەتى بويىنشا، مينيسترلىك قىزمەتكەرلەرى ءارتۇرلى ۇستەماقىلاردى قوسقاندا، 8 مىڭ سوم كولەمىندە ايلىق الادى.

“The Qazaq Times”