فوتو: Karar.com

وسى جىلدىڭ 20 قاڭتارىندا ءسۇريانىڭ افرين قالاسىن تەرروريستەردەن تازالاۋ ماقساتىندا باستالعان ء"زايتۇن بۇتاعى" وپەراتسياسىنىڭ 45-ءشى كۇنىندە بەيتاراپسىزداندىرىلعان تەرروريستەر سانىنىڭ 2668-گە دەيىن ارتقانى ءمالىم بولدى. بۇل وپەراتسيانى تۇرىك قارۋلى كۇشتەرى مەن ەركىن ءسۇريا ارمياسى تاراپى ۇيىمداستىرعان ەدى.

وسىدان ءبىر كۇن بۇرىن، اتالعان وپەراتسيانىڭ 44-ءشى كۇنىندە بۇل كورسەتكىش، ياعني بەيتاراپسىزداندىرىلعان تەرروريستەر سانىنىڭ 2612-گە ارتقانى جاريا بولعان ەدى. دەمەك،  ء"زايتۇن بۇتاعى" وپەراتسياسىنىڭ كۇن وتكەن سايىن بەلسەندى قيمىل كورسەتىپ جاتقانى انىق.

نەگىزىندە، ء"زايتۇن بۇتاعى" وپەراتسياسىنىڭ كۇشىمەن افريندە 3 تۇرعىن ورتالىق، 102 اۋىل، 6 ەلدى مەكەن جانە 22 ستراتەگيالىق تاۋلى ايماق، سونىمەن قاتار PKK-عا تيەسىلى بارلىعى 134 نىسان قولعا الىنعان. ال بۇگىندە شەيح حاديد تۇراعىمەن بىرگە 7 تۇرعىن الاڭى، رادجۋ جانە دجەندەرەستەن افرينگە دەيىنگى جولدار قاتاڭ قاداعالانۋدا.

ەندەشە، قازىرگى ۋاقىتتا نەگىزگى اتىس نىسانىنا اينالعان دجيندەرەستىڭ ستراتەگيالىق قانداي ماڭىزى بار؟

دجيندەرەس ءافريننىڭ وڭتۇستىك-باتىسىنان 17 شاقىرىم، حاتاي ەلدى مەكەنىنىڭ شىعىسىنان 18 شاقىرىم قاشىقتىقتا ورنالاسقان. افريننەن كەيىنگى ەڭ ۇلكەن ورتالىق. الايدا، وسىدان ءبىر كۇن بۇرىن، ياعني اتالعان وپەراتسيانىڭ 44-ءشى كۇنىندە دجيندەرەس وتقا ورانعان بولاتىن. سول كۇنى ءتۇس مەزگىلىندە شەكاراداعى اسكەري كۇشتەر مەن ۇشقىشسىز ۇشۋ اپپاراتتارى دجيندەرەس ايماعىنداعى تەرروريستەرگە تيەسىلى باسپانالار مەن جايلارعا وق جاۋدىرىپ، اسىرەسە، وسى ايماقتارعا سوعىس ۇشاقتارى ارقىلى دا بومبالاۋ قيمىلدارى جۇزەگە اسىرىلدى.

ء"زايتۇن بۇتاعى" وپەراتسياسى باستالعاننان بۇگىنگە دەيىنگى 45 كۇننىڭ ىشىندە كۇرد جۇمىسشىلار پارتياسىنا (PKK) تيەسىلى 924 نىساندى جويعان.

“The Qazaq Times”