تامارا دۇيسەنوۆا. فوتو: Sputnik كازاحستان.

بۇرىنعى ەڭبەك جانە حالىقتى الەۋمەتتىك قورعاۋ ءمينيسترى «نۇر وتان» پارتياسىنىڭ حاتشىسى بولىپ تاعايىندالدى.

22 اقپان كۇنى «نۇر وتان» پارتياسىنىڭ توراعاسى نۇرسۇلتان نازارباەۆتىڭ شەشىمى بويىنشا ەكس-ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا پارتيا حاتشىسى بولىپ تاعايىندالعان.

ءبىر قىزىعى نۇرسۇلتان نازارباەۆ اقپان ايىنىڭ 9-ى كۇنى ۇكىمەتتىڭ كەڭەيتىلگەن وتىرىسىندا ءدال وسى تامارا دۇيسەنوۆانى قاتاڭ سىنعا الىپ، «نە بولدى ەندى ساعان تامارا؟ الدە شارشادىڭ با سەن مىنا جۇمىستان؟» - دەگەن بولاتىن. وسىدان سوڭ دۇيسەنوۆا حانىم قىزمەتىنەن بوساتىلىپ، ونىڭ ورنىنا سۋ جاڭا مينيستر مادينا ابىلقاسىموۆا كەلگەن.

“The Qazaq Times”