اۋىل شارۋاشىلىعىنىڭ جالپى ءونىم كولەمى جاعىنان الماتى وبلىسى رەسپۋبليكادا ءبىرىنشى ورىندا. وتكەن جىلى بۇل كورسەتكىش 648 ملرد تەڭگەنى، ءوسىم 3,3% قۇرادى. بۇل ورايدا اگرارلىق سالادا جۇمىس ىستەگەن ەڭبەككەرلەردىڭ ۇلەسى زور. بۇگىن تۇرعىندار الدىنداعى ەسەپتى كەزدەسۋىندە وبلىس اكىمى اماندىق باتالوۆ وسىلاي دەدى، دەپ حابارلايدى الماتى وبلىسى اكىمىنىڭ ءباسپاسوز قىزمەتى.

اۋىل شارۋاشىلىعى داقىلدارىنىڭ القابى 15,6 مىڭ گەكتارعا ۇلعايتىلىپ، 948 مىڭ گەكتاردى قۇرادى، ونىڭ 17%-ى ىلعال ساقتاۋ تەحنولوگياسىن قولدانۋ ارقىلى وڭدەلەدى.

وتكەن جىلى 1,3 ملن توننا ءداندى داقىل، 293 مىڭ توننا مايلى داقىل، 1,8 مىڭ توننا كارتوپ، جەمىس-جيدەك پەن كوكونىس ءوسىرىلدى.

قانت قىزىلشاسىنىڭ القابى 9 مىڭ گەكتارعا جەتىپ، 363 مىڭ توننا ءونىم جينالدى، ودان 31 مىڭ توننا تازا قانت شىعارىلدى.

جەتىسۋ وڭىرىندەگى باق القاپتارى 23مىڭ گەكتارعا جەتتى، ينتەنسيۆتى باقتاردان بيىلعى جىلى 2,5 مىڭ توننا الما الۋ جوسپارلانىپ وتىر.

“The Qazaq Times”