COVID-19: برازيليادا قايتىس بولعاندار سانى 100 مىڭنان استى

برازيليا سەنبىدە COVID-19 ىندەتى بويىنشا 100 مىڭنان استام ادام قايتىس بولعان ەكىنشى ەل بودى. ءبىرىنشى ورىنداعى ەل – اقش، قازىرگى ۋاقىتتا امەريكا قۇراما شتاتتارىندا 161000 ادام ىندەتتەن قايتىس بولعان جانە ۆيرۋستىق ينفەكتسيا جۇقتىرعاندار سانى 5 ميلليونعا جۋىقتاعان. ال برازيليادا 3 ميلليون ادام دەرت جۇقتىرعانى تۋرالى حابارلاندى.

برازيليا پرەزيدەنتى بولسونارۋ وتكەن ايدا ىندەت جۇقتىرعان. ول «ءومىرىن ساقتاپ قالۋ ءۇشىن قولدان كەلگەننىڭ ءبارىن جاساپ جاتىر» دەدى. ساراپشىلاردىڭ ايتۋىنشا، ۆيرۋستى تەستىلەۋ جەتكىلىكسىز بولعاندىقتان، برازيلياداعى ۆيرۋستى جۇقتىرعانداردىڭ سانى قازىرگى ۋاقىتتا انىقتالعاننان التى ەسە كوپ بولۋى مۇمكىن.

بىرنەشە اپتا بويى برازيلياداعى ىندەتتەن قايتىس بولعاندار سانى كۇنىنە 1000-نان اسىپ جىعىلدى. ءدال وسىنداي جاعداي اقش-تا سوڭعى 11 كۇن بولعان. ستاتيستيكا بويىنشا ميلليون ادامعا شاققانداعى ءولىم كورسەتكىشى. برازيليادا 478 ادام، اقش-تا 487 ادامعا سايكەس كەلەدى. ەكى ەلدە دە ميلليونعا شاققاندا قايتىس بولعاندار يسپانياداعى 609-دان جانە يتالياداعى 583-تەن تومەن.

كوروناۆيرۋس برازيليانىڭ 27 شتاتىندا ءارتۇرلى تارالعان. برازيليا استاناسى برازيليادا مەديتسينالىق توسەك ورىنداردىڭ 80% -ىنا ناۋقاستار ورنالاسقان، بىراق ريو جانەيرودا بۇل كورسەتكىش 30% -دان از. ولاردا دۇكەندەر مەن كافە رەستوراندار اشىق كۇيىندە جانە جاعاجايلار دا پايدالانىلۋدا، ىندەتتىڭ بەلەڭ الۋىنا وسى جاعدايلار باستى سەبەپ بولدى. Associated Press حابارلاعانداي، ونداعى اۋرۋحانالار اسسوتسياتسياسىنىڭ ديرەكتورى گراحو الۆيم: «مۇنداعى جاعداي وتە بوساڭسىعان، ءبىز نەگە بۇلاي ەكەنىن بىلمەيمىز».

امەريكا قۇراما شتاتتارىندا دەنساۋلىق ساقتاۋدى ولشەۋ جانە باعالاۋ ينستيتۋتىنىڭ بولجامى بويىنشا امەريكاندىقتار بەتپەردە تاعىۋدى تالاپ ەتپەسە، 1 جەلتوقسانعا دەيىن كاروناۆيرۋستان شامامەن 300 مىڭ ادام قايتىس بولادى دەدى.

"The Qazaq Times"