فوتو: ليتەر

كانزاس ۋنيۆەرسيتەتىندەگى امەريكالىق عالىمداردىڭ سوزىنشە، قازىرگى كەزدە كەڭ تارالعان الەۋمەتتىك جەلىلەر ادامدار اراسىنداعى قالىپتى قاتىناسقا اسەر ەتپەيدى جانە بۇل دوستاردان نەمەسە وتباسىنان الىستاپ كەتەدى دەگەن جاڭساق پىكىر. عالىمداردىڭ مۇنداي زەرتتەۋى Information, Communication & Society عىلىمي جۋرنالىندا جاريالاندى، دەپ حابارلايدى lenta.ru.

عالىمدار الەۋمەتتىك جەلىگە قاتىستى ەكى ەكسپەريمەنت جۇرگىزگەن. بىرىنشىدەن، ولار 2009 جانە 2011 جىلداعى جاستاردىڭ مىنەز-قۇلقىنا تالداۋ جاساعان. الايدا الەۋمەتتىك جەلىلەردىڭ دامۋى جاستاردىڭ كۇندەلىكتى باسقا ورتامەن بايلانىس جاسايتىن ۋاقىتىنا ەش اسەر ەتپەگەن.

ال ەكىنشى ەكسپەريمەنت 2015 جىلى جاسالىپ،116 ادام تاڭداپ الىنعان. ولاردىڭ جارتىسى ستۋدەنتتەر، جارتىسى ۋنيۆەرسيتەت بىتىرگەندەر. ولاردان ۇنەمى الەۋمەتتىك جەلىدەگى جانە كۇندەلىكتى ومىردەگى قارىم-قاتىناس تۋرالى سۇراستىرىلعان. انىقتالعانداي، الەۋمەتتىك جەلىدەگى جازبالار ەشبىرىنىڭ وتباسىمەن، دوستارىمەن ارالاسۋىنا ىقپال ەتپەگەن.

“The Qazaq Times”