اقش پرەزيدەنتى دونالد ترامپ ەلدەگى الەۋمەتتىك جەلىلەردىڭ قىزمەتىن رەتتەۋ تۋرالى جارلىققا قول قويدى. 

ءسوز بوستاندىعى ماسەلەلەرىپ ءسوز ەتكەن ترامپ، الەۋمەتتىك جەلىلەردىڭ مونوپوليالارى امەريكا قۇراما شتاتتارىنداعى قوعامدىق جانە جەكە كوممۋنيكاتسيالاردىڭ باسىم بولىگىن باسقارادى دەيدى. سونداي-اق الەۋمەتتىك جەلىلەر جەكە ادامدار مەن كەڭ اۋديتوريا اراسىنداعى بايلانىستىڭ كەز كەلگەن ءتۇرىن تسەنزۋراعا تەكسەرىپ، شەكتەپ، رەداكتسيالاپ جانە وزگەرتە الاتىنداي باقىلاۋسىز بيلىككە يە ەكەنىن اتاپ ءوتتى.

جارلىقتىڭ ءماتىنى «كوممۋنيكاتسيا ءتارتىبى تۋرالى» زاڭ رەتىندە بەلگىلى زاڭعا باعىتتالعان. وسى زاڭنىڭ 230-تاراۋى وزدەرىنىڭ جەكە پلاتفورمالارىن باقىلايتىن جانە باسقاراتىن ۆەب-سايتتارعا يممۋنيتەتى مىقتى جانە بۇرىن-سوڭدى بولماعان قورعاۋدى قامتاماسىز ەتەدى. بۇل الەۋمەتتىك جەلىلەر بەيتاراپ پلاتفورما سانالادى دەگەن تەورياعا نەگىزدەلگەن.

"The Qazaq Times"