تۇلەكتەرى جوو-عا تۇسە الماعان ءۇشىن مەكتەپ ديرەكتورى قىزمەتىنەن كەتتى

«وقۋشىلارىم ءۇشىن مەن ۇيالدىم، سول ءۇشىن قىزمەتىمنەن كەتتىم»، - دەيدى № 59 مەكتەپتىڭ بۇرىنعى ديرەكتورى ەرگاش ابدۋلحايتوۆ. ونىڭ سوزىنشە، تۇلەكتەردىڭ ىشىندە 11 وقۋ وزاتى بولعان. بىراق ولاردىڭ ءبارى عىلىم جولىن قۋالاماي، رەسەيگە اقشا تابۋعا كەتكەن.

بىراق اۋداندىق حالىقتىق ءبىلىم بەرۋ ءبولىمىنىڭ مەڭگەرۋشىسى تۋيچي ماحماديوروۆا بىرەر كۇن بۇرىن 5 بىردەي مەكتەپ ديرەكتورى جۇمىستان شىعارىلدى دەيدى. سەبەبى ول مەكتەپتەردىڭ وقۋشىلارىنىڭ ساباق ۇلگەرىمى تومەن بولعان.

ال كورشى كۋباديان اۋدانىندا 8 مەكتەپتىڭ ديرەكتورى سوڭعى ەسكەرتۋ العان.

تاجىكستاننىڭ ءبىلىم جانە عىلىم ءمينيسترى نۋريددين سايد تاياۋدا مەكتەپ ديرەكتورلارىنا باقىلاۋ كۇشەيتىلەدى دەدى. «ەگەر ديرەكتور 5 جىل ىشىندە جاقسى ناتيجە كورسەتسە، ءبىز ولاردى ۇلگەرىمى تومەن مەكتەپتەرگە اۋىستىرامىز. ەگەر وقۋشىلارى جوعارى وقۋ ورنىنا تۇسپەسە، وليمپيادادا ورىن الماسا، وندا ول مەكتەپتىڭ ديرەكتورى جۇمىستان كەتەدى»، - دەگەن تاجىكستاننىڭ ءبىلىم ءمينيسترى.

“The Qazaq Times”