ۋكراينا پرەزيدەنتى پەتر پوروشەنكو مەن رەسەي باسشىسى ۆلاديمير پۋتين تەلەفون ارقىلى سويلەستى – دەپ حابارلايدى «زەركالو نەدەلي» گازەتى.

باسىلىم مالىمەتىنشە، اقپان ايىنىڭ 12-ءسى كۇنى ۋكراينا پرەزيدەنتى پەتر پوروشەنكو مەن رەسەي باسشىسى ۆلاديمير پۋتين تەلەفون ارقىلى  14 اقپاندا سىرتقى ىستەر مينيسترلەرىنىڭ قاتىسۋىمەن وتەتىن «نورماند تورتتىگى»  كەلىسىمى جونىندە سويلەسكەن.

بۇدان بولەك پەتر پوروشەنكو مەن ۆلاديمير پۋتين اسكەري تۇرتقىندارمەن الماسۋ جانە دونباسس پەن لۋگانسك اۋماعىنداعى ۋكراينالىق اسكەريلەردى بوساتۋ جونىندە اڭگىمە قوزعاعان.

ەستەرىڭىزگە سالايىق، سوڭعى رەت «نورماند تورتتىگى» كەلىسىمى 2017 جىلدىڭ جازىندا رەسەي پرەزيدەنتى ۆلاديمير پۋتين، ۋكراينا باسشىسى پەتر پوروشەنكو، گەرمانيا كانتسلەرى انگەلا مەركەل جانە فرانتسيا پرەزيدەنتى ەممانۋەل ماكروننىڭ قاتىسۋىمەن وتكەن بولاتىن. ول كەزدە ۋكراينا داعدارىسىن شەشۋگە مۇددەلى تاراپتار وق اتۋدى توقتاتۋعا بايلانىستى كەلىسسوزدەر جۇرگىزگەن.

“The Qazaq Times”