فوتو: Yvision

سقو اكىمى قۇمار اقساقالوۆ ايىرتاۋ اۋدانىنىڭ جۇرتشىلىعىنا جاڭا اۋدان اكىمى بەيبىت يسمانوۆتى تانىستىردى. يسمانوۆ سوڭعى 6 جىل بويى اۆتوموبيل جولدارى جانە جولاۋشىلار تاسىمالى باسقارماسىنىڭ باسشىسى بولعان. سوندىقتان ءوڭىر باسشىسى جاڭا اكىم جول ماسەلەسىن جاقسى بىلەتىندىگىن، ينفراقۇرىلىمدى دامىتۋ جاڭا اكىمنىڭ باستى مىندەتى جانە تۋريستىك الەۋەتى جوعارى ايىرتاۋ اۋدانى ءۇشىن بۇل وتە ماڭىزدى ەكەنىن اتاپ ءوتتى.

«ايىرتاۋ اۋدانى شاعىن جانە ورتا بيزنەس، قىزمەتتەر كورسەتۋ جانە تۋريزمدى دامىتۋدا ۇلكەن مۇمكىندىكتەرگە يە. مەملەكەت ينفراقۇرىلىمدى دامىتۋعا ەرەكشە كوڭىل بولەدى. بىلتىر جولداردى جوندەۋگە 1,2 ملرد تەڭگە بولىنسە، بيىل 1,1 ملرد تەڭگە باعىتتالدى. قوسىمشا تاعى قارجى بولەمىز. تۋريستىك نىساندارعا جولداردى جوندەيمىز، تيىسىنشە بۇل ءوز جەمىسىن بەرۋى ءتيىس»، - دەدى قۇمار اقساقالوۆ.

تۋريزم دامىعان سايىن جاڭا جۇمىس ورىندارى دا پايدا بولادى. قازىر بۇل سالادا بار بولعانى 511 ادام ەڭبەكتەنۋدە. ەندى جاڭا اكىم يمانتاۋ-شالقار كۋرورت ايماعىندا تۋريزمدى دامىتۋ ءۇشىن قىزىقتى جوبالاردى تاۋىپ، ينۆەستورلاردى  تارتۋ كەرەك.

كاسىپكەرلەر وبلىس اكىمىنە تۋريزم سالاسىنداعى جاڭا جوبالارىن تانىستىردى. بيىل ايىرتاۋ اۋدانىندا 7 جوبا جۇزەگە اسىپ، 30 جۇمىس ورنى اشىلماق. بۇل پالاتالىق قالاشىق، اۆتوكاراۆانينگ جانە دەمالىس ورىندارى. «سولنەچنىيVIP» دەمالىس بازاسىندا ءدامحانا اشۋ جوسپارلانعان. سونداي-اق تۋريستىك نىساندار ويىن-ساۋىق قىزمەتتەرىنىڭ ءتۇر-ءتۇرىن كورسەتپەك.

“The Qazaq Times”