21 عاسىر تەحنولوگيا زامانى. تەحنولوگياعا بەلسەندى اۋىسىپ جاتقانىمىز سونشالىق، قازىر وزىڭىزگە قاجەتتى زاتتارعا ينتەرنەت ارقىلى تاپسىرىس بەرە الاسىز. بۇل قازىر ترەندكە اينالعان. مىسالى ديزاينەرلىك زاتتاردى ارنايى باعامەن ساتاتىن ينتەرنەت دۇكەن Gilt.com-دى قاراپ كورەيىك. 2010 جىلى بۇل دۇكەننىڭ تابىس كولەمى 400 ملن دوللاردى قۇرادى. 2 ملن-نان استام تۇراقتى ساتىپ الۋشىلارى بار. ال ول مۇنداي جەتىستىكتەرگە جەتتى؟ سەبەبى دۇكەن ساتىپ الۋشىعا تانىمال برەندتىڭ جوعارى ساپالى زاتىن قول جەتىمدى باعامەن ساتىپ الۋعا بولاتىنىن دالەلدەدى. ەندەشە نازارلارىڭىزعا Gilt.com دۇكەنى پايدالاناتىن 10 ماركەتينگ ادىستەمەنى ۇسىنامىز.
1. ساتىلاتىن زاتتار سۋرەتتەرىنىڭ جوعارى ساپالى بولۋى
Gilt.com دۇكەنى – ورتا دەڭگەيدەگى تاۋارلار ساتاتىن دۇكەن ەمەس ەكەندىگىن سۋرەتتەردىڭ وزىنەن-اق كورۋگە بولادى. جوعارى ساپالى سۋرەتتەر زاتتاردىڭ پرەميۋم دارەجەلى ەكەنىن كورسەتەدى. وعان قوسا، سۋرەتتەر كۇن ارا اۋىسىپ تۇرادى، بۇل ءبىر زاتتىڭ ساتىلىمىنىڭ سان الۋاندىلىعىن قامتاماسىز ەتەدى.
2. ايرىقشىلىق سەزىمى.
دۇكەن ءوزىنىڭ ساتىپ الۋشىلارىنا ەكسكليۋزيۆتى كلۋبىنىڭ مۇشەسى بولۋدى ۇسىنادى، ولارعا ارنايى جەڭىلدىكتەر بەرەدى. ال وعان مۇشە بولۋ ءۇشىن كلۋبتىڭ كەز-كەلگەن مۇشەسىنەن شاقىرۋ الۋ كەرەك. قۇپيا نەگىزى مىنادا، كلۋبقا مۇشە باسقا دا جولىدارى بار، الايدا پرەميۋم سەگمەنتتەگى زاتتاردى ساتۋداعى ايرىقشىلىق سەزىمى وتە ماڭىزدى. دۇكەننىڭ قىزمەتكەرلەرى كلۋبتىڭ مۇشەلەرى ايرىقشىلىقتىعىن سەزىنۋ ءۇشىن كوپ قىزمەت ەتەدى.
3. تاۋاردىڭ تاريحىنا نازار اۋدارۋ
Gilt.com دۇكەنىندە ساتىلاتىن ءاربىر تاۋار ءوزىنىڭ بىرەگەي تاريحىمەن ەرەكشەلىنەدى. ول نە ءۇشىن قاجەت؟ ساتىپ الۋشىلاردىڭ دوستارىنا ساتىپ العان تاۋارىنىڭ تاريحىن ايتۋعا مۇمكىندىك بەرەدى. مىسالى: ساتىپ الىنعان بلەندەر 1930 جىلدان باستاپ بەلگيالىق زاۋىتتان شەكتەۋلى تارالىممەن شىعادى، ءارى ول ءسىزدىڭ تۇراتىن قالاڭىزداعى ەشبىر دۇكەندە ساتىلماۋى مۇمكىن،
4. ساتىپ الۋعا ىنتالاندىرۋ
دۇكەن ءسىزدىڭ سەبەتىڭىزگە سالىپ قويعان ءاربىر تاۋاردى ساتىپ الۋ ءۇشىن 10 مينۋت ۋاقىت بەرەدى. تاۋارلار سانى شەكتەۋلى، ءسىز ونى سەبەتىڭىزگە سالىپ ۇزاق ۋاقىت ۇستاي الماسسىز، سەبەبى سىزدەن باسقا دا ساتىپ الۋشىلار وعان قىزىعۋشىلىق تانىتادى. ءسىز ونى 10 مينۋت ىشىندە ويلانىپ ساتىپ الا الاسىز، وسىعان بايلانىستى دۇكەننىڭ تاۋاردى قايتا قايتارۋ مۇمكىندىگى دە تەز ءارى قيىنشىلىقسىز جۇرگىزىلەدى.
5. قوسىمشا شاقىرعان كليەنتتەر ءۇشىن سىياقى قاراستىرىلعان
دۇكەن كلۋب مۇشەلەرى ارقىلى شاقىرىلىپ تىركەلگەن جاڭا كليەنتتەر ءۇشىن 25 دوللاردان سىياقى بەرەدى. بۇل باسەكەلەستەردىڭ سىياقىسىنان ءبىرتالاي كوپ، ارينە كلۋب مۇشەلەرى جاڭا ساتىپ الۋشىلاردى شاقىرۋعا قىزىعۋشىلىق تانىتادى
6. E-mail ماركەتينگى
تىركەلگەن ساتىپ الۋشىلار بەلگىلى ءبىر كۇنى عانا وتكىزىلەتىن ارنايى جەڭىلدىكتەر تۋرالى حاتتار الىپ تۇرادى. بۇل تاۋارلار ساتىلىمى ۋاقىتپەن شەكتەۋلى، ءارى جەڭىلدىككە ۇشىراعان تاۋارلار ءتۇرى وزگەرىپ تۇرادى.
7. تاۋار كۇتىمىنىڭ ءتىزىمى
سايتتا ءاربىر تاۋاردىڭ كۇتىم ءتىزىمى بار، تاۋار بىتكەن جاعدايدا ساتىپ الۋشىلار وسى تىزىمگە تىركەلىپ كەزەككە تۇرادى. تاۋار قايتا ساتىلىمعا شىققاندا كەزەكتەگى ساتىپ الۋشىلارعا حابارلاما جىبەرىلەدى. بىرىنشىدەن، بۇل ساتىپ الۋشىعا تاۋاردىڭ جوعارى سۇرانىسقا يە ەكەنىن كورسەتەدى. ەكىنشىدەن، دۇكەنگە تاۋاردىڭ ساتىلىمىن جوبالاۋعا مۇمكىندىك بەرەدى.
8. تاۋارعا ساپا بەلگىسىن بەرۋ
كەيبىر تاۋارلارعا ساپا بەلگىسى بەرىلەدى، ول ساتىلعان تاۋار كولەمى جانە ساتىپ الۋشىلاردىڭ مىنەزدەمەسى مەن بەرگەن باعاسىنا بايلانىستى قالىپتاسادى. جاڭا كليەنتتەر وزدەرىن قىزىقتىرعان تاۋاردىڭ ساپاسى تەكسەرىلگەن، ءارى جوعارى ەكەنىن بىلەتىن بولادى.
9. بەلگىلى ءبىر ۋاقىتتا باستالاتىن جاپپاي ساتىلىم
Gilt.com كۇندە ساعات 12:00-دە جاڭا تاۋارلار ساتىلىمىن باستايدى.ساتىلىم باستالماي بارلىق تىركەلگەن ساتىپ الۋشىلارعا تاۋارلار ءتۇرى مەن ءتىزىمى حاتپەن جىبەرىلەدى. تەك وسى ۋاقىتتا ساتىپ الۋشىلار ساتىلىمعا قاتىسىپ قىزىق ءارى ساپالى تاۋارلاردى ساتىپ الا الادى.
10. ساتۋدىڭ بارلىق ارنالارىن قامتۋ
Ipad ساتىلىمعا شىعا سالىسىمەن Gilt.com وزدەرىنىڭ تاۋارلارىن وسى پلاتفورمانىڭ قوسىمشاسى ارقىلى ساتۋعا دايىن بولدى. سول سياقتى ساتىلىمدى كوبەيتۋ ءۇشىن كەز كەلگەن جولدى تاڭداۋ كەرەك.
ارينە، كەز-كەلگەن ينتەرنەت دۇكەننىڭ Gilt.com – نىڭ تابىسىن قايتالاۋ قولىنان كەلمەس. بىراق تا وسى كەڭەستەردى پايدالانىپ، دۇكەنىڭىزدىڭ كىرىسىن كوبەيتىپ، تۇراقتى ساتىپ الۋشىلارىڭىزدىڭ سانىن ارتتىرۋىعىزعا بولادى.
بوتاجان قابىلبەكوۆا
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى