فوتو: 3dprintery.by

«يسپان عالىمدارى ادامنىڭ تابيعي تەرىسىندەي، تەرى باسىپ شىعاراتىن بيوپرينتەردىڭ كونتسەپتسياسىن ۇسىندى»، – دەپ حابارلايدى Science News Journal.

كارلوس III باستاعان مادريد ۋنيۆەرسيتەتىنىڭ، قورشاعان ورتا، ەنەرگەتيكا جانە تەحنولوگيا سالاسىن زەرتتەۋ ورتالىقتارىنىڭ (CIEMAT),  زەرتتەۋشىلەر توبى بيولوگيالىق ماتەريالداردى پايدالانا وتىرىپ، 3D پرينتەر ويلاپ تاپتى. زەرتتەۋ ناتيجەسى كورسەتكەندەي، تەرى تولىق فۋنكتسيونالدى جانە ونى مەديتسينادا ترانسپلانتولوگيادا قولدانۋعا بولادى.

زەرتتەۋشىلەردىڭ ءبىرى حۋان فرانسيسكو دەل كانيسو تەرىنىڭ ارنايى «بيولوگيالىق سيا» ارقىلى شىعارىلاتىنىن ايتقان. تەرىلەر بىرىنەن كەيىن ءبىرى باسىپ شىعارىلىپ وتىرادى، ياعني بۇل ادام تەرىسىنىڭ قۇرىلىمىن قايتالايدى.

«شىعارىلعان» ادام تەرىسىندەي تەرىنىڭ قۇرامىندا، تەرىنى سوزىلمالى ەتەتىن ارنايى كوللاگەندەر وندىرەتىن، ەپيدەرميس پەن دەرما بار. «ەگەر تەرىنى وندىرەتىن بيوماتەريالدىڭ ءوزىن ادامنان الساق، كەز-كەلگەن جاعدايدا ترانسپلانتاتسيا جاساي الامىز. ول دەگەنىڭىز كۇيىك شالعان تەرى بولىگىن اتالمىش تەرىلەرمەن الماستىرۋعا بولادى دەگەن ءسوز»، – دەيدى عالىمدار.

زەرتتەۋ جۇمىستارىنا قاتىسقان BioDan Group فيرماسى  وسى -ءونىمدى نارىققا شىعارۋدى كوزدەپ وتىر.

"The Qazaq Times"