باعا ازىق-تۇلىك تاۋارلارىنا وتكەن ايدا 0,6%، ازىق-تۇلىك ەمەس تاۋارلارىنا – 0,3%، اقىلى قىزمەتتەرگە – 0,8%-عا ءوستى، دەپ حابارلايدى قر ۇلتتىق ەكونوميكا مينيسترلىگىنىڭ ءباسپاسوز قىزمەتى. 

وتكەن ايدا باعانىڭ ءوسۋى قيارعا 10,5%، قىزاناققا – 9,8%، ءتاتتى بۇرىشقا – 9%، قىرىققاباتقا – 4,3%-عا، كارتوپقا، باستى پيازعا – 3%-دان، جۇمىرتقاعا – 1,4%، سابىزگە – 1,1%، كونسەرۆىلەنگەن سۇتكە – 1%-عا، سارى مايعا، جاڭا اۋلانعان بالىققا – 0,8%-دان، مايەكتى ىرىمشىككە – 0,5%-عا، قوي ەتىنە، كونديتەرلىك ونىمدەرگە – 0,3%-دان بەلگىلەندى. باعا قاراقۇمىق جارماسىنا 4,9%، قۇمشەكەرگە – 3,2%، كۇرىشكە – 1,1%، قارا شايعا – 0,9%-عا تومەندەگەن.

باعا ءوسىمى فارماتسەۆتيكالىق ونىمدەرگە 0,8%، اۆتوموبيلدەرگە – 0,7%، جۋعىش جانە تازالاعىش قۇرالدارعا – 0,6%-عا، جيھاز جانە ۇيگە قاجەتتى زاتتارعا، تۇرمىستىق اسپاپتارعا – 0,5%-دان، كيىم جانە اياق كيىمگە، جەكە قولداناتىن تاۋارلارعا – 0,4%-دان، كەڭسە تاۋارلارى مەن سىزۋ قۇرالدارىنا، شىنى جانە قىشتان جاسالعان ونىمدەرگە، كىتاپتارعا، توقىما بۇيىمدارىنا – 0,2%-دان قۇرادى. باللونداعى سۇيىتىلعان گاز 0,7%، تاس كومىر – 0,5%-عا قىمباتتادى.

باعا دەڭگەيى قۇقىقتىق قىزمەتتەرىنە، كولiك قۇرالدارىن ساقتاندىرۋ 6%-دان، مەكتەپكە دەيىنگى بالالار مەكەمەسىنىڭ قىزمەتتەرىنە – 1,4%، جولاۋشىلار كولىگى – 1,3%، دەنساۋلىق ساقتاۋ – 1,2%، شاشتارازدار مەن جەكە قىزمەت كورسەتۋ ورىندارى – 0,8%، قوعامدىق تاماقتاندىرۋ – 0,3%-عا ءوستى.

تۇرعىن ءۇي-كوممۋنالدىق قىزمەتتەر سالاسىندا تاريفتەر ورتالىقتان جىلىتۋعا 1,9%-عا، ىستىق سۋعا، تۇرعىن ءۇيدى كۇتىپ ۇستاۋعا – 1,7%-دان، قوقىس شىعارۋعا – 1,2%، ەلەكترەنەرگياسىنا – 0,7%، تاراتۋ جەلىلەرى ارقىلى تاسىمالداناتىن گازعا – 0,4%-عا جوعارىلادى.

“The Qazaq Times”