فوتو: inform.kz

ۇلتتىق ەكونوميكا ءمينيسترى تيمۋر سۇلەيمەنوۆ "2018 جىلدان باستاپ قازاقستان بويىنشا 500 شاقىرىم تاس جول اقىلى بولادى" – دەپ مالىمدەدى.

بۇگىن استانا قالاسىندا وتكەن ۇكىمەت وتىرىسىندا ۇلتتىق ەكونوميكا ءمينيسترى تيمۋر سۇلەيمەنوۆ جوبانى تانىستىرعان. وندا ول: «جاڭا جولداردىڭ ساپاسى مەن قاۋىپسىزدىگىن قامتاماسىز ەتۋ ءۇشىن اعىمداعى جىلى شامامەن 500 شاقىرىم رەسپۋبليكالىق ماڭىزى بار تاس جولعا تولەم جۇيەلەرىن ەنگىزۋ جوسپارلانىپ وتىر. كولىك اعىندارىن ءتيىمدى پايدالانۋ ءۇشىن الداعى ۋاقىتتا زياتكەرلىك بانك جۇيەسىن قابىلدايمىز» - دەگەن.

ءمينيستردىڭ ايتۋىنشا، 2018 جىلى استانا مەن الماتى اراسىنداعى «ورتالىق-وڭتۇستىك» جانە استانا مەن وسكەمەن اراسىنداعى «ورتالىق-شىعىس» ترانسپورتتىق دالىزدەرىنىڭ قۇرىلىسى جالعاسادى. بۇدان بولەك شىعىس جانە وڭتۇستىك-شىعىس وڭىرلەرىندە تۋريزم سالاسىن دامىتۋ مەن قىتاي حالىق رەسپۋبليكاسىنان تاۋار تاسىمالىن ارتتىرۋ ماقساتىندا الماتى-وسكەمەن، قالباتاۋ-مايقاپشاعاي جانە ءۇشارال-دوستىق باعىتىنداعى كولىك جولدارىنىڭ قۇرىلىسى باستالادى.

“The Qazaq Times”