وزبەكستان شەكاراشىلارى قىرعىزستان ازاماتىنا وق اتتى

وزبەكستان شەكاراشىلارى قىرعىزستان ازاماتىنا وق اتتى – دەپ حابارلايدى Akipress اقپارات اگەنتتىگى.

اگەنتتىك مالىمەتىنشە، قىرعىزستاننىڭ جالال-اباد وبلىسىنىڭ تۇرعىنى مال جايىپ ءجۇرىپ وزبەكستان اۋماعىنا ءوتىپ كەتكەن. شەكارانى زاڭسىز كەسىپ وتكەن ا.ۋ. ەسىمدى ازاماتتى وزبەك شەكاراشىلارى توقتاتپاق بولعان. بىراق ول شەكاراشىلاردىڭ ەسكەرتۋىن ەلەمەي، ولارعا قارسىلىق كورسەتكەن. وسىدان كەيىن وزبەكستان ساقشىلارى وعان قارسى قارۋ قولدانعان.

وزبەكستان شەكارا قىزمەتى تاراتقان اقپارات بويىنشا، شەكاراشىلار 27 قاڭتار كۇنى مەملەكەتتىك شەكارانى زاڭسىز كەسىپ وتكەن قىرعىزستان ازاماتىنا قارسى وق اتۋعا ءماجبۇر بولعان. سەبەبى ول شەكاراشىلاردىڭ اۋىزشا جاساعان ەسكەرتۋىنە قارسىلىق كورسەتىپ، قاشىپ كەتپەك بولعان.

قازىرگى تاڭدا جامباس تۇسىنان جاراقات العان قىرعىزستان ازاماتى وزبەكستاننىڭ نامانگان وبلىسىنا قاراستى شۋ اۋداندىق اۋرۋحاناسىندا ەم قابىلداۋدا.

“The Qazaq Times”