وزبەكستان حالقىن مازالايتىن ەڭ ماڭىزدى ماسەلەلەر ءتىزىمى جاريالاندى.

«يجتيموي فيكر» الەۋمەتتىك زەرتتەۋلەر ورتالىعى جۇرگىزگەن ساۋالناما بويىنشا، قازىرگى تاڭدا وزبەكستان حالقىن جۇمىسسىزدىق ماسەلەسى قاتتى الاڭداتادى. الەۋمەتتىك ساۋالناماعا قاتىسقان ازاماتتاردىڭ 65,7 پايىزى حالىقتى جۇمىسپەن قامتۋدى مەملەكەتتىڭ ەڭ باستى مىندەتتەرىنىڭ ءبىرى دەپ ەسەپتەيدى. ال 40,2 پايىزى ازىق-تۇلىك تاۋارلارىنىڭ قىمباتتاۋىن ماڭىزدى ماسەلە دەپ سانايدى. 19,8 پايىزى كوممۋنالدى قىزمەت تۇرلەرىنىڭ باعاسىنا الاڭداۋشىلىق بىلدىرەتىنىن جەتكىزگەن.

بۇدان بولەك ساۋالناماعا قاتىسقان وزبەكستاندىقتار «ەل ۇكىمەتى ءبىرىنشى كەزەكتە قانداي جۇمىستار اتقارۋى ءتيىس؟» دەگەن سۇراققا جاۋاپ بەرگەن. وندا الەۋمەتتىك زەرتتەۋگە قاتىسقانداردىڭ 31,1% «ۇكىمەت ءبىرىنشى كەزەكتە جاڭا جۇمىس ورىندارىن اشۋى كەرەك» دەگەن. ال 29 پايىزى «بيلىك ەڭ الدىمەن حالىقتىڭ الەۋمەتتىك قورعالۋىن قامتاماسىز ەتۋى ءتيىس» دەگەن.

ەستەرىڭىزگە سالايىق، وزبەكستان پرەزيدەنتى شاۆكات ميرزيەەۆ 2017 جىلدىڭ مامىر ايىندا حالىقتى جۇمىسپەن قامتۋ جانە قامسىزداندىرۋ زاڭىنا قول قويعان بولاتىن. اتالمىش زاڭنىڭ باستى ماقساتى - وزبەكستان حالقىن جۇمىسپەن قامتاماسىز ەتۋ جانە ەڭبەك قۇقىعىن قورعاۋ بولىپ تابىلادى.

“The Qazaq Times”