وزبەكستان پرەزيدەنتى شاۆكات ميرزيەەۆ اقش-قا رەسمي ءىس-ساپارمەن بارماق.

وزبەكستان پرەزيدەنت اكىمشىلىگى ءباسپاسوز قىزمەتى تاراتقان مالىمەت بويىنشا، شاۆكات ميرزيەەۆ مامىر ايىنىڭ 15-ءى مەن 17-ءى كۇندەرى ارالىعىندا اقش پرەزيدەنتى دونالد ترامپتىڭ شاقىرتۋىمەن ۋاشينگتونعا رەسمي ءىس-ساپارمەن بارادى. ساپار بارىسىندا ميرزيەەۆ ترامپپەن كەزدەسىپ، ەكى ەل اراسىنداعى قارىم-قاتىناس، عالامدىق جانە ايماقتىق ماسەلەلەردى تالقىلايدى دەپ جوسپارلانۋدا. بۇدان بولەك كەزدەسۋ سوڭىندا ەكى ەل باسشىلارى بىرلەسكەن مالىمدەمە جاساپ، «اقش پەن وزبەكستان ستراتەگيالىق ارىپتەستىگىنىڭ جاڭا ءداۋىرى» اتتى قۇجاتقا قول قويادى دەپ كۇتىلۋدە.

ەستەرىڭىزگە سالايىق، قاڭتار ايىندا ۋاشينگتونعا رەسمي ءىس-ساپارمەن نۇرسۇلتان نازارباەۆ بارعان. ول وندا اقش پرەزيدەنتى دونالد ترامپپەن كەزدەسىپ، بىرقاتار قۇجاتتارعا قول قويعان جانە كەزدەسۋدەن كەيىن اقش بانكتەرىنىڭ بىرىندە بۇعاتتالعان ۇلتتىق قوردىڭ 22 ملرد دوللار قارجىسى بۇعاتتان شىعارىلعان.

“The Qazaq Times”